باندێکی ماددەی هۆشبەر دەستگیردەكرێت

PUKMEDIA

لۆگۆی دەزگای ئاسایشی هەرێم

بەڕێوەبەرایەتی نەهێشتنی ماددەی هۆشبەرەکان بەهەماهەنگی بەڕێوەبەرایەتی ئاسایشی ڕاپەڕین باندێکی بازرگانی ماددەی هۆشبەر دەستگیردەکات.

لە راگەیەنراوێکدا کەوێنەیەکی بۆ PUKMEDIA نێردراوە، دەزگای ئاسایشی هەرێم رایگەیاندووە:" لەڕۆژی٢٠٢٤/٤/٢ دوای بەدواداچوون و چاودێکردن، هێزەکانی ئاسایش لەسەر بڕیاری بەڕێز دادوەر، توانیان (٤)تۆمەتباری بازرگانی ماددەی هۆشبەر لەڕووبەڕوبونەوەیەکی چەکداری لە ڕانیە دەستگیربکەن و دەستبگرن بەسەر بڕی ( ٣،٥٠٠)سێ کیلۆ و نیو ماددەی کریستاڵ و بڕی (٣٠٠)دەنک حەبی تڕاماڵ و (٥٠٠)گرام شیلەی تلیاک و (دوو) ئۆتۆمبێل بۆ گواستنەوەی ماددەکان بەکاردەهێنران".

راشیگەیاندووە:"لەئێستادا بە ماددەی (٢٦)لەیاسای بەرەنگاربوونەوەی ماددەهۆشبەرەکان و کارتێکەرە ئەقڵییەکان ڕاگیراون و لێکۆڵینەوە لە دۆسیەکانیان بەردەوامە".

PUKMEDIA