ئاسایش ٢٠ بازرگان و بەکارهێنەری ماددەی هۆشبەر دەستگیردەکات

PUKMEDIA

لۆگۆی ئاسایش

بەڕێوەبەرایەتی ماددە هۆشبەرەکانی دەزگای ئاسایش، لەناو شاری سلێمانی ٢٠ تۆمەتباری بازرگان و بەکارهێنەری ماددەی هۆشبەریان دەستگیرکرد.

لە راگەیەندراوێکی بەڕێوەبەرایەتی ئاسایشی سلێمانی دا کە وێنەیەکی بۆ PUKMEDIA نێردراوە، تێیدا هاتووە: "هێزەکانی دەزگای ئاسایشی هەرێم، لەچوارچێوەی هەوڵە بەردەوامەکانیان بۆ دەستگیرکرنی بازرگان و بەکارهێنەرانی ماددە هۆشبەرەکان و رێگریکردن لە بڵاوبونەوەی ئەو ماددانە کە کاریگەری خراپیان لەسەر کۆمەڵگە دەبێت، بەبڕیاری دادوەر لێکۆڵینەوەی ئاسایش، لەچەند هەڵمەتێکی جیادا لە سەرەتای مانگی ٢٠٢٣/٨ ( ٢٠ ) بازرگان و بەکارهێنەری ماددەی هۆشبەر دەستگیردەکەن و دەستدەگرن بەسەر ئەو ماددە هۆشبەرانەی کە تۆمەتباران مامەڵەیان پێوە کردووە و بەکاریان هێناوە کە پێکهاتبوون لە ( تلیاک، حەشیش، ئەفیون، کریستاڵ، مەریوانە )".

لە راگەیەندراوەکەدا ئاماژە بەوەکراوە: "تۆمەتباران خەڵکی هەرێمی کوردستان و دەرەوەی هەرێمن، تەمەنیان لە نێوان ٢٣-٥٠ ساڵدایە و (سێ)لە تۆمەتباران لە رەگەزی (مێ)ـن، لەکاتی دەستگیرکردنیان دەستگیرا بەسەر ٣ دەمانچە و بڕی ٧٠ ملیۆن دیناری عیراقیدا"، هەروەها "بەبڕیاری دادوەری لێکۆڵینەوەی ئاسایش، تۆمەتباران بە ماددەکانی ( ٢٥، ٢٦، ٣٠ ) راگیراون و لێکۆڵینەوە لە دۆسیەکانیان بەردەوامە".
PUKMEDIA