ئاسایشی راپەڕ‌ین دەستبەسەر بڕ‌ێكی زۆر پارەی ساختەدا دەگرێت

دەزگای ئاسایش

25 هەزار دیناری عیراقی

بەڕ‌ێوەبەرایەتی ئاسایشی ڕ‌اپەڕ‌ین دەستیگرت بەسەر بڕ‌ی ٤١,٥٠٠,٠٠٠ چل و یەك ملیۆن و پێنج سەد هەزار دیناری عیراقی ساختە و گومانلێكراوێكیان دەستگیركرد.


دەزگای ئاسایش لە راگەیەنراوێكدا كە كۆپییەكی بۆ PUKMEDIA نێدراوە، تێدا هاتووە:" دوای چاودێریكردن و بەدەستهێنانی زانیاری، لەڕ‌ۆژی ٢٠٢٣/٧/٢٧ بە بڕ‌یاری دادوەری لێكۆڵینەوەی ئاسایش، لەسنوری ئیدارەی ڕ‌اپەڕ‌ین گۆمانلێكراوێكمان بە ناوی ( ع، ح، ج )دەستگیركرد و دەستمانگرت بەسەر بڕ‌ی ٤١,٥٠٠,٠٠٠ دیناری عیراقی لە جۆری بیست و پێنج هەزار دیناری ساختە كە لەدەرەوەی عیراق دروستكراوە و بەنیازی ساغكردنەوەی بووە لە هەرێمی كوردستان و ناوڕ‌است و باشوری عیراق".

ئەوەشخراوەتەڕوو: "لەئێستادا بەفەرمانی دادوەری لێكۆڵینەوە، تۆمەتبار بە ماددەی (٢٨١)لە یاسای سزادان ڕ‌اگیراوە".

PUKMEDIA