دەست بەسەر بڕێکی زۆر هۆشبەر و سەدان کارتی بانکیدا دەگیرێت

PUKMEDIA

ئاسایشی هەرێم

دەزگای ئاسایشی هەرێمی کوردستان ئاشکرایدەکات کە دەستبەسەر زیاتر لە 7 کیلۆگرام حەشیش و سەدان کارتی بانکیدا گیراوە و دوو بازرگانی هۆشبەریش دەستگیرکراون.

لە راگەیەندراوێکی دەزگای ئاسایشی هەرێم دا کە وێنەیەکی بۆ PUKMEDIA نێردراوە ئاشکرایدەکات کە بەڕێوەبەرایەتی ئاسایشی فڕۆکەخانەی نێودەوڵەتی سلێمانی ، ڕێگری لە هەوڵی بردنەدەرەوەی بڕێکی زۆر لە ماددەی هۆشبەر و سەدان کارتی بانکی دا کردوە  .

بە گوێرەی راگەیەندراوەکە هەوڵێک پوچەڵکراوەتە کە :"بردنەدەرەوەی سەدان ( کارت بانکی ئەلیکترۆنی ) بەشێوازی شاراوە لە لاپتۆپ و پاوەربانک و خواردەمەنی شاردرابونەوە" , کە پێچەوانەی یاسا و ڕێنماییەکانی بانکی مەرکەزی عێراقی بووە .

دەزگای ئاسایش رایدەگەیەنێت :" دەستبەسەر هەندێک ماددەی پزیشکیدا گیراوە کە ڕەزامەندی بەڕێوەبەرایەتی تەندروستی نەبووەو هەروەها :"  دوو تۆمەتباری بازرگانی ماددەی هۆشبەر  دەستگیرکراون  و دەست بەسەر ٧ کیلۆ و ١٧٠ گرام ماددەی هۆشبەر لە جۆری ( حەشیش )  دا گیراوە کە بەشێوازی شاراوەیی ئامانجیان بووە بیبەنە دەرەوەی هەرێمی کوردستان".

PUKMEDIA
.