دەزگای ئاسایشی هەرێم دەستگیرکردنی دوو گەورە بازرگانی ماددەی هۆشبەر رادەگەیەنێت

راگەیاندنی ئاسایشی هەرێم

دەستگیرکراوان

دوو بازرگانی ماددەی هۆشبەر لەلایەن بەڕێوەبەرایەتی ئۆپراسیۆنەکانی دەزگای ئاسایشی هەرێمەوە دەستگیرکران.

‌‎لەڕاگەیەنراوێکدا دەزگای ئاسایشی هەرێم رایدەگەیەنێت: بەپشتبەستن بە زانیاری وورد لەسەرباندێکی مەترسیدار کە تۆمەتبارن بە بازرگانیکردن بە ماددەی هۆشبەرەوە ، دوای  ڕەزامەندی بەڕێزدادوەری لێکۆڵینەوەی ئاسایش ، هێزەکانمان لێکۆڵینەوەیان لەسەر ئەم کەیسە دەستپێکرد و پاڵپشت بە بەدواداچوونی  جوڵە و کارەکانیان و چاودێریکردنیان بەڵگەی پێویست بەدەستهات

‌‎راشیدەگەیەنێت:لەبەرئەنجامی لێکۆڵینەوە مەیدانییەکان ، شەوی چوارشەممە ڕێکەوتی ٢٠٢٣/٥/٣  لە ئۆپەراسیۆنێکدا ، بەهاوکاریوهەماهەنگی ( بەڕێوەبەرایەتی هەواڵگری ناوخۆی بەغداد و بەڕێوەبەرایەتی ئاسایشی سلێمانی و بەڕێوەبەرایەتی ماددەهۆشبەرەکان ) ‎ توانرا ( دوو ) تۆمەتبار بەناوەکانی (م.ک.ع) و (ع.ٲ.ن) بەڕەگەز کوردن ، دانیشتوی هەرێمی کوردستانن ، ‎ لە پارێزگای سلێمانی دەستگیر بکرێن و دەستیشگیرا بەسەر بڕی یەک کیلۆ  و ٥٠٠ گرام ماددەی هۆشبەر لە جۆری ( کریستاڵ )
        ‌  
‌‎هەر لەراگەیەنراوەکەدا ئاماژەی بەوەشکردووە: هەردوو تۆمەتبار بەپێی ماددەی ( ٢٥) لەیاسای بەرەنگاربوونەوەی ماددە هۆشبەرەکان و کارتێکەرە عەقڵیەکان ڕاگیراون و ڕوبەڕووی یاسا کراون.

PUKMEDIA