دەزگای ئاسایشی هەرێم دەستگیرکردنی دوو داواکراو رادەگەیەنێت

راگەیاندنی دەزگای ئاسایشی هەرێم

دەستگیرکردنی داواکراوان

لەراگەیەنراوێکدا دەزگای ئاسایشی هەرێم دەستگیرکردنی ( دوو ) داواکراوی لە یاسا هەڵاتوو بە ماددەی ( ٤ ) ی تیرۆر ڕادەگەیەنێت.

دەقی راگەیەنراوەکە..

دوو تیرۆریستی داعش کە لەلایەن دادگاکانی عێراقەوە داواکرابون ، لەلایەن ئۆپەراسیۆنی دەزگای ئاسایشی هەرێمەوە دەستگیردەکرێن. 

لەسەر بنەمای زانیاری هەواڵگری و بەدواداچوون و کارکردنی بەردەوام بۆ پاراستنی ئارامی و ئاسایشی هەرێمی کوردستان ، بەڵگەمان دەستکەوت لەسەر بوونی دوو تیرۆریستی لە یاسا هەڵهاتوو کە لە شارەکانی عێراقەوە هاتوونەتە شارەکانی هەرێم بەمەبەستی خۆحەشاردان .

 دوای وەرگرتنی ڕەزامەندی بەڕێز دادوەری لێکۆڵینەوەی ئاسایش ، بە هەماهەنگی و هاریکاری بەڕێوەبەرایەتی ئاسایشی پارێزگای سلێمانی و دەزگا هەواڵگرییەکانی عێراق هێزەکانمان لێکۆڵینەوەیان دەستیپێکرد و سەرەنجام لە شەوی یەکشەممە ڕێکەوتی ٢٠٢٣/٤/٣٠ لە دوو هەڵمەتی جیادا هەردوو تیرۆریست ( س ، م ، ع ) و ( ر ، م ، ع )کە داواکراوبوون بەماددەی ( ٤ ) ی تیرۆر لە پارێزگای سلێمانی دەستگیراکران ، کە یەکێک لە داواکراوان بە برینداری دەستگیرکرا و ئەم کەیسەش دوای لێکۆڵینەوەی زیاتر رادەستی دەسەڵاتی دادوەری عێراق دەکرێتەوە .

PUKMEDIA