باڵیۆز د.محەمەد سابیر سەردانی د.عادل عەبدولمەهدی دەکات

باڵیۆز د.محەمەد سابیر و د.عادل عەبدولمەهدی

لە شاری بەغدا باڵیۆز د.محەمەد سابیر، سەرۆکی دامەزراوەی سەرۆک جەلال تاڵەبانی لەگەڵ وەفدی یاوەری سەردانی د.عادل عەبدولمەهدی، هاوڕێی دێرینی سەرۆک مام جەلال و سەرۆک وەزیرانی پێشووتری عیراقی کرد.

لە دیدارێکدا باڵیۆز د. محەمەد سابیر داوای لە د.عادل عەبدولمەهدی کرد؛ کە ئامادەکاری بکەن بۆ گێڕانەوە و بە دیکۆمێنتکردنی قوناغەکانی ژیانی لەگەڵ سەرۆک مام جەلال و خستنەڕووی بەشێوەیەکی زانستی تا وێستگەکانی خەبات لەگەڵ سەرۆک مام جەلالدا بەنەوەکانی ئایندەی وڵات ئاشنابێت.

پاشان سەرۆک وەزیرانی پێشووتری عیراق؛ بەڵێنی هاوکاریی تەواوی بە دامەزراوەی سەرۆک جەلال تاڵەبانی-دا کە کار دەکات بۆ کۆکردنەوەی و گەڕاندنەوەی ئەو ئەرشیفانەی لەگەڵ سەرۆک مام جەلال کە لە سەردەمی خەباتی شاخ و شار هەیبووە.

PUKMEDIA