Şanda Bakur li Qamişlo: Em dixwazin projeyên hevbeş bi Rojava re pêk bînin

ANHA

Şandeya Bakûr li Rojavayê Kurdistanê

Şandeya Bakurê Kurdistanê tekez kir ku serdana wan a ji bo Rojavayê Kurdistanê bi armanca ji nêz ve rêveberiyên xwecihî û mekanîzmayên xebata saziyan nas bike, her wiha li ser rêyên hevkariya hevbeş û pêkanîna proje û karan ên li ser bingehê pêdiviyan gotûbêj bike.

Şandeyeke ku ji nûnerên jin ên meclisên rêveberiya xwecihî û şaredariya DEM Partî sardana Rojavayê Kurdistanê kirin ku ji aliyê Siyasetmedara Kurd Îlham Ehmed û Qaymiqama bajarê Qamişlo Cîhan Hesam ve hatin pêşwazî kirin.

Şanda Bakûr ji Heveroka Şaredariya Mezin a Mêrdînê û Hevberdevka Komîteya Dîplomasî ya Rêveberiyên Xwecihî Devrem Demîr, Hevseroka Şaredariya Navçeya Yenî Şehîr a Amedê Safiya Akadax, Hevseroka Şaredariya Navçeya Farqîn a Amedê Sevîm Bîçîçî, Hevseroka Şaredariya Tetwan Belkîze Beştaş Eboz Demîr û Endama Komîteya Dîplomasî Rûken Demîr pêk dihat.

Di kongireyeke rojnamevanî de şandeya Bakûrê Kurdistanê daxwaz kir; ku pêwendiyên di navbera saziyên Bakur û Rojava de bên xurtkirin û deriyên sînorî bên vekirin da ku çûnhatina di navbera her du aliyan de hêsantir bibe.

Hevseroka Şaredariya Bajarê Mezin a Mêrdînê Dêvrîm Demîr tekez kir ku agahdarkirina li ser çarçoveyên rêveberiyê û naveroka saziyan girîngiyeke mezin ji bo şandeyê re heye, ji ber ku ew ê bibe alîkar ku mekanîzmayên xebata hevbeş ronî bibin û rê li ber pêşxistina hevkariya di navbera her du aliyan de veke.

PUKMEDIA