Balyozxana Îraqê li Lîbya: Testa DNA ji cenazeyên ku tê gumankirin Îraqî ne tê kirin

AFP

Koçberên li deryeya Spî

Karbidestê karên Balyozxaneya Îraqê li Lîbyayê Ehmed El-Sehaf ragihand ku testa DNAyê ji 18 cenazeyên ku tê gumankirin ê welatiyên Îraqê ne re tê kirin.

Ehmed El-Sehaf di daxuyaniyekê de ji bo Ajansa Nûçeyan a Îraqê re got: Balyozxaneyê dest bi rêkarên testa DNAyê ji bo 18 cenazeyên ku tê gumankirin a welatiyên Îraqê ne kiriye, û ev yek bi hevrêziya ligel Heyva Sor a Lîbyayê hatiye kirin.
El-Sehaf da diyar kirin ku "ji bo heman armancê hevrêziyeke ligel aliyên ewlehiyê yên Lîbyayê jî heye" û da xuyakirin ku "bi dehan cenaze li Deryaya Spî ji aliyê peravên Lîbyayê ve hatine dîtin."

Wî tekez kir: "Em di asta herî bilind de baldariyê nîşan didin daku encamên fermî û belgekirî ji encama lihevhatina testê bidest bixin," Sehaf da zanîn ku: "hewldanên me berdewam in ji bo lêkolîna li ser çarenûsa hejmareke din a koçberên Îraqî yên ku bi awayekî neyasayî bi rêya Lîbyayê ber bi Ewropayê ve koç kirine."

El-Sehaf berê jî ragihandibû ku Balyozxaneya Îraqê bi baldariyeke mezin û lezgîn çarenûsa (18) koçberên Îraqî dişopîne yên ku bi awayekî neyasayî derbasî Lîbyayê bûne, ev yek jî bi hevrêziya ligel desthilatdarên ewlehiyê, aliyên tenduristiyê û Heyva Sor a Lîbyayê tê kirin daku çarenûsa wan bê zanîn û ew agahiyên ku behsa xeniqandina wan di Deryaya Spî de dikin ji ber koçberiya neyasayî ya bi rêya Lîbyayê û ji wir ve ber bi Ewropayê ve, werin piştrastkirin.

PUKMEDIA