Keştiya firokehilgir a 'George Bush' ji bo bêhnvedanê gihîşt Taylandê

Reuters

Sooppharoek Teepapan

Keştiya firokehilgirê amerîkî "George H.W. Bush" piştî beşdarbûna di operasyonên leşkerî yên Amerîkayê de li Rojhilata Navîn, bi nêzîkî pênc hezar leşkerî re gihîşt nêzîkî girava "Phuket" a Taylandê, bi mebesta wergirtina bêhnvedanê.

Îro 4ê çiriya pêşîn a 2026an, keştiya firokehilgirê a amerîkî "George H.W. Bush" gihîşt nêzîkî girava bêhnvedanê ya "Phuket" a li Taylandê ku nêzîkî çar hezar û 800 leşker hilgirtibû ji bo wergirtina bêhnvedan û aramiyê, piştî çend mehan ji piştevaniya operasyonên leşkerî yên Amerîkayê li Rojhilata Navîn.

Li gorî çend raporên dezgehên ragihandinê, ev keştiya firokehilgir ku ji cureya "Nimitz" e, di dema aloziyên bi Îranê re li Deryaya Ereb de kar kiriye.

Di heman demê de medyayan belav kir ku keştiya firokehilgir lenger digire, lê belê tê çaverêkirin ku xebatkarên wê bi rêya benderxaneya ava kûr a Puketê derkevin bejahiyê û di navbera 4 û 9ê çiriya pêşîn de li wê girava navdar a bêhnvedanê ya li başûrê welat dem derbas bikin.

Ev yek piştî geşteke pênc rojî ya keştiya firokexwer a amerîkî "Abraham Lincoln" tê bo benderxaneya "Laem Chabang" a li rojhilatê Taylandê di meha borî de ku nêzîkî pênc hezar leşkerên hêza deryayî û marînz hilgirtibû.

PUKMEDIA