Lîwa Miqdad Mîrî: Di heyvekê de 308 kes hatin girtin

INA

Berdevkê Wezareta Navxwe ya Îraqê

Îro;Şermî rêkefta (03-10-2026).an Wezareta Karên Navxwe ya Îraqê ragihand ku di heyva Îlonê de 308 kes bi tometên cûr bi cûr hatine girtin, ji bilî desteserkirina çek, cebilxane, madeyên hişber û pereyên next.

Lîwa Miqdad Mîrî, Berpirsê Beşa Peywendî û Ragihandinê ya Wezareta Navxwe ya Îraqê, ragihand ku di encama operasyonên ewlehiyê yên ji aliyê yekîneyên beşa bersiva bilez ve hatine kirin de 308 kes bi tohmetên cûr bi cûr hatine girtin, kesên ku hatine girtin 31 kes bi tawanên girêdayî gendeliyê û 55 kes bi tawanên girêdayî madeyên hişber û 16 kes li gorî madeya 4.emîn ya Yasaya Dijî Terorê têne tawanbarkirin û 206 kes jî ji ber tawanên cûr bicûr yên din fermana girtina wan heye.

Her weha aşkere kir ku girtin bi riya 124 operasyonên ewlehî û taybet hatine kirin,di heman demê de operasyonên meydanî 196 dewriyeyên ewlehî û 78 bûse û xalên kontrolê li xwe digire; ji bilî avakirina 101 xalên kontrolê yên ewlehîyê, wî her wiha destnîşan kir ku du operasyonên lêgerîn û paqijkirinê, sê operasyon ji bo rakirina destdirêjiyê û çareserkirina sê nakokiyên eşîrî hatine lidarxistin.

Navbirî got: Di lêgerînê de 21 çek, 388 teqemenî û 131 gule hatin desteserkirin û ew kelûpelên desteserkirî şeş milyon û 47 hezar Dînarên Îraqî û milyonek Dolarên Amerîkî,her wiha 18 telefonên desta û kelûpelên din di nav xwe de digirt.

Di têkoşîna li dijî madeyên hişber de, yekîneyan 1425 gram Krîstal, 305 gram Esrar û 92 hebên madeyên hişber yên cûr bi cûr, digel alavên madeyên hişber desteser kirin.

Her weha got: Ev encam di çarçoveya ewlehî û erkên taybet de ne ku yekîneyên Beşa Bersivdayîna Bilez ji bo zêdekirina ewlehiyê û şopandina kesên xwestî, şerê tawan û madeyên hişber û sepandina serweriya yasayê dikin.

PUKMEDIA