Nirxê petrolê di bilindbûnê de cih girtiye

PUKMEDIA

Petrol

Îro 2/10/2026an, bi sedema geşedana aloziyên li herêmê, buhayê petrolê li bazarên cîhanê bi bilindî maye.

Di danûstandinên îro de, bi rêjeya 0.2% buhayê yek bermîl petrola xav a brênt bilind bû û gihîşt 102 dolar û 55 sentan. Herwiha girêbestên paşxistî yên petrola xav a Teksasa Amerîkî bi rêjeya 0.1% ber bi bilindbûnê ve çûn û ji bo her bermîlekî gihîştin 92 dolar û 92 sentan. Ev yek piştî wê yekê tê ku roja pêncşemê her du corên petrolê bi awayekî berbiçav bilind bûbûn, bi corêkî ku Brênt zêdetirî 4 dolarî û nefta xav a Teksasê jî zêdetirî 2 dolarî zêde bûbû.

Ev bilindbûn piştî rapora rojnameya "Wall Street Journal" hat ku tê de eşkere kiribû ku Waşinton lêkolînê li ser belavkirina keştiyeke din a balafirhildêr û hêzên leşkerî yên zêdetir li Rojhilata Navîn dike. Ev yek jî ev nîgeranî çêkiriye ku dibe her çalakiyeke nû ya leşkerî, gefê li ser rêçên henardekirina petrolê yên li herêmê çêke.

Mijara pêşveçûna aloziyan, bala bazirganan bi tevahî li ser Tengava Hormizê hiştiye ku şareya sereke ya veguhastina enerjiyê ye li cîhanê. Her çend hinardeya welatên Kendavê nîşaneyên geşbûnê nîşan dide jî, lêbelê bazar hêj li hemberî her rawestiyanekê di hatûçûna keştiyên petrolê an jî binesaziya herêmê de hestiyarin.

 PUKMEDIA