Sedema bilindbûna bihayê dolar tê eşkere kirin

PUKMEDIA

dolar

Li gorî çend rojên çûyî, bihayê dolar li hemberî dînêr zêde bû û xwediyê mekteba pevguhertina drav jî dibêje: Sedema wê zêdetir siyasî ye û daxwaza li ser dolar jî zêde bûye.

Luqman Hesen, xwediyê mekteba pevguhertina drav li bazara drav a bajarê Silêmaniyê, ji malpera fermî ya Yekîtiya Nîştimanî ya Kurdistanê (PUKMEDIA) re ragihand: Di du rojên çûyî de bihayê 100 dolarî nêzî hezar dînêran bilind bû û ew bilindbûn û daxistin di bihayê drav de asayî ne, ji ber ku rewşa siyasî ya welat ne pir cîgire.

Wî her wiha ragihand: Zêdebûna daxwaza li ser dolar û rakirina sifirên dînar du sedemên sereke ne ji bo bilindbûna bihayê dolar li hemberî dînêr, di heman demê de rewşa siyasî jî bandorê dike.

Wî da xuyakirin: Banka Navendî ku 100 dolar li hemberî 132 hezar dînar cîgir kiriye, heta radeyekê cîgirbûn daye bihayê dolar û hemû bilindbûn yan daketineke bi rêjeyeke kêm asayî ye.

Îro çarşemê 30ê Îlona 2026an, bihayê 100 dolarê amerîkî li hemberî 157 hezar û 400 dînêr e, di demekê de ku di rojên çûyî de bihayê wê daketibû nêzî 155 hezarî û tê çaverêkirin ku di çend rojên pêş de careke din bihayê wê dakeve û bi cîgirî bimîne, tevî ku ji ber wê rewşa nearam a li navçeyê heye, bandoreke mezin li ser bihayê tûmen kiriye û nirxê xwe winda kiriye, bi curê ku bihayê 100 dolarî gihiştiye 25 milyon tûmenî, û tê çaverêkirin ku bihayê tûmen hîn zêdetir dakeve.

PUKMEDIA