Wezareta Pêşmerge: Erkê hikûmeta federale ku parastina asmanê herêmê bigire ser xwe

PUKMEDIA

Logoya Wezareta Pêşmerge

Wezareta Pêşmerge daxuyaniyekê derbarê vekişandina hêzên Amerîkayê ji ser xaka Îraqê belav dike û radigihîne: Bi cih hêlana Herêma Kurdistanê ji aliyê Amerîkayê ve di demekî wiha aloz a navçeyî de, bêyî dabînkirina ti sîstemeke parastinê, cihê nîgeraniyê ye. Di heman demê de em li Wezareta Pêşmerge pêbawer in ku asmanê Herêma Kurdistanê wekî beşek ji asmanê Hikûmeta Fedral, erka pêşîn a Hikûmeta Federale ku berpirsiyariya parastina asmanê Herêma Kurdistanê di dema pêwîst de bigire ser xwe.

Naveroka daxuyaniyê:

Roja 30ê Îlonê hêzên Amerîkayê ji ser xaka Îraqê, ligel Herêma Kurdistanê jî tê de, vedikişin, ev vekişandine encama têgihiştina hevpar a Hikûmeta Îraqê ya Federal, Amerîka û hevpeimanan e.

Vekişandina hêzên Amerîka û hevpeimanan ji Îraqê di demekî hesas de ye; bi taybetî ku rewşa ewlehiya Îraqê û Rojhilata Navîn neseqamgir e û pêdivî bi hişyariyê û biryardana siyasî ya rast heye, ji ber ku berdewambûna nearambûna rewşa navçeyê metirsiyek e ji bo ser tevahiya navçeyê.

Di dema şerê navbera Amerîka û Îranê de di mehên borî de, Herêma Kurdistanê zêdetirî hezar caran rûbirûyî êrîşên dronî û mûşekên balîstîk bûye ku hinek ji wan li ser navçeyên sivîlan ketine xwarê, di encama van êrîşan de çendîn şehîd û birîndar û ziyanên madî çêbûne, bi cih hêlana Herêma Kurdistanê ji aliyê Amerîkayê ve di demekî wiha aloz a navçeyî de, bêyî dabînkirina ti sîstemeke parastinê, cihê nîgeraniyê ye. Di heman demê de em li Wezareta Pêşmerge pêbawer in ku asmanê Herêma Kurdistanê wekî beşek ji asmanê Hikûmeta Federal, erka pêşîn a Hikûmeta Federale ku berpirsiyariya parastina asmanê Herêma Kurdistanê di dema pêwîst de bigire ser xwe.

Hêza Pêşmerge çawa ku di demê borî de parêzvanê ax û xelkê Kurdistanê bûye, di pêşerojê de jî ji bo her egerekî û pêşhateke nû amade ye û dikare ligel her rewşeke nexwestî xwe biguncîne û rûbirûyî metirsiyan bibe.

Wezareta Pêşmerge gelekî spasiya Amerîka û hevpeimanên wê dike û rêzê li hevkarî û piştevaiya wan digire ku di dema borî de pêşkêşî Herêma Kurdistanê û Hêza Pêşmerge kirine.

Wezareta Pêşmerge wekî beşek ji sîstema parastinê ya Îraqê, ligel artêşa Îraqê peywendiyeke destûrî û ewlehiyê ya xurt heye û di xebata hevpar de dê berdewam û hevaheng be.

Di dawiyê de em xelkê Kurdistanê piştrast dikin ku Kurdistan di destekî ewle û aştiyexwaz de ye.

Wezareta Pêşmerge

27ê Îlona 2026an

PUKMEDIA