Trump biryara dawî ji bo çêkirina moşekên Patriot li Ukraynayê da

PUKMEDIA

Trump û Zelensky

Serokê Ukraynayê Volodimir Zelensky, ragihand ku piştî civîna wan li NewYorkê, Serokê Amerîka Donald Trump biryara dawî da û rê da Kiyevê da ku bikaribe moşekên sîstema parastina esmanî ya "Patriot" di nava Ukraynayê de berhem bîne.

Ev pêngav dê bibe alîkariyeke stratejîk a mezin ji bo têkbirina êrîşên balîstîk ên berdewam ên Rûsyayê, di demekê de ku Ukraynayê bi kêmbûneke tund a moşekên parastina esmanî re rû bi rû maye.

Zelensky, eşkere kir ku Amerîkayê pêşniyara sazkirina civîneke sêqolî di navbera (Amerîka، Ukrayna û Rûsya) de li Îmaratê kiriye، lê Moskow hêj dem an jî pabendbûna xwe ji bo beşdarîkirina di wan danûstandinan de ranègihandiye.

Zelensky meha borî gotibû ku Ukrayna pêdiviya wê bi nêzîkî %5 ji depoya moşekên parastinê yên "Patriot" ên li cem Amerîkayê heye ji bo dabînkirina pêdiviyên xwe di dema zivistanê de، û bi nêzîkî %10 ji wan re pêdivî heye da ku bikaribe، li gorî texmîna xwe، hemû moşekên balîstîk ên Rûsyayê têk bibe.

Her weha Kiyev, ji kêmbûna moşekên "Patriot" ên ku dikarin moşekên balîstîk ên Rûsyayê têk bibin dikişîne، di nav berdewamiya lêdanên Rûsyayê de li ser axaU، bi taybetî li ser sazî û binesaziya girêdayî enerjiyê.

PUKMEDIA