Elî Zeydî: Armanca me Îraq bibe navendeke cîhanî ya hilberîna wizeyê

Êraq 09:32 PM - 2026-09-25

Elî Zeydî li Civata Giştî ya Neteweyên Yekbûyî

Serokwezîrê Îraqê Elî Falih Zeydî tekez kir ku Îraq hêvî dike ku wekî hêzeke aborî ya çalak li herêmê û pireke ji bo diyalog û hevkariyê di navbera gelên wê de, xwedî bandor û rola xwe bilîze.

Zeydî di dema pêşkêşkirina gotara Îraqê de li pêşiya Civata Giştî ya Neteweyên Yekbûyî, îro Înê 25/9/2026an، amaje bi wê yekê kir ku dewlet dê di biryara şer û aştiyê de bibe xwediyê biryarê, û diyar kir ku projeya Rêya Geşepêdanê nêrîna berfireh a Îraqê ji bo yekbûn، tevlîbûn û aramiya herêmî nîşan dide.

Serokwezîrê Îraqê Elî Zeydî tekez jî kir ûgot: Armanca me ewe ku Îraq bibe navendeke cîhanî ya hilberîna wizeyê.
Elî Zeydî di axaftina xwe de balkişand ser van xalan:

Pêşeroja Siyasî û Ewlehiyê

Îraq ber bi wê yekê ve diçe ku bibe xwediyê biryara sereke di warê aştiyê û şer de, û çek tenê di destê saziyên dewletê de bin. Her wiha piştî bidawîhatina erkê Hevpeymaniya Navneteweyî, têkiliyan ber bi aliyê hevkariya leşkerî û aborî û pêşvebirinê ve tên veguhestin.

Projeya Rêya Geşepêdanê

Projeya " Rêya Geşepêdanê " wekî nêrîneke berfireh ji bo yekbûn û aramiya herêmî tê dîtin, ku Rojhilat bi Rojava ji Bendera Fao heta Tirkiyeyê û Ewropayê girê dide.

Aboriyekî Nûjen

Hikûmet di nava têkoşîna li dijî gendeliyê de ye û dixwaze aboriyekî nûjen, pir reng û dûrî piştgirêdana bi tenê li ser neftê ava bike, digel vekirina deriyan ji bo veberhênana biyanî û neteweyî.

Avhewa û Mafên Mirovan

Rûbirûbûna guherîna avhewayê, kêmasiya avê, û girîngî pêdana bi ciwanan, perwerde û parastina mafên mirovan wekî beşek ji armancên sereke yên hikûmetê hatin destnîşankirin.

PUKMEDIA