Balafirxaneya Necefê rawestandina geştên esmanî bo Îranê ragihand

Ragihandina Balafirxanê

Balafirxana Necef

Balafirxaneya Navneteweyî ya bajarê Necefê, îro Înê 25/9/2026an, ragihand ku hemû geştên esmanî yên hatin û çûnê yên ji û ber bi Komara Îslamî ya Îranê ve hatine rawestandin.

Rêveberiya balafirxanê di daxuyaniyekê de ku wêneyek jê ketiye destê PUKMEDIAyê, gotiye: Li ser raspardên fermî yên ku ji aliyên peywendîdar ve hatine derxistin, biryar hat girtin ku hemû geştên esmanî yên hatin û çûnê yên ji û ber bi Komara Îslamî ya Îranê ve ji saet 02:00 yê roja Înê 25/9/2026an heta agahdariyeke din bên rawestandin.

Di daxuyaniyê de hatiye gotin ku: Ji boher agahdariyeke fermi yan raspardeyên nû derbarê destpêkirina geştan, bi rengekî fermî dê were ragihandin.

Berdevkê Saziya Firokavaniya Sivîl a Îranê di 22yê Îlonê de ragihandibû ku balafirgehên Bexda û Mesqetê pêşwaziya geştên firokavaniya Îranê nakin.

Wezareta Xezîneyê ya Amerîkayê di 8ê Îlonê de siza danîn ser 36 alî û kesên ku bi sektora firokavaniya Îranê ve girêdayî ne, di nav wan de 27 kompaniyên balafiran, ligel navbeynkar û şîrketên ku xizmetên barkirin û firotanê pêşkêş dikin.

Ji wan kompaniyan moleta heta 23yê Îlonê hat danîn da ku pêbendî biryarê bibin, wekî mînak sekinandina dabînkirina sotemeniya kerosînê ji bo balafirên Îranî.

Ne pabendbûna bi ambargoya Amerîkayê re wan kompaniyan dixe ber metirsiya ku ew bi xwe jî bikevin nava lîsteya reş û bi vî rengî ji sîstema ya dolarî bên qutkirin.

PUKMEDIA