Herêm Kemal Axa raspardên çareserkirina pirsgirêka benzînê dide Serokatiya Parlamenê

Ragihandina Herêm Kemal Axa

Wêneyekê Civîna Berê ya Lîjneya Petrol û Gazê

Li ser biryara Lîjneya Petrol û Gazê ya Encumena Nûnerên Îraqê, komîteyeke lawekî hate avakirin ku tê de Wezareta Petrolê ya Hikûmeta Federal rojane 50 hezar bermîl petrola xav ji Hikûmeta Herêma Kurdistanê re terxan bike û radestî wê bike.

Serokê Lîjneya Neft û Gazê ya Encumena Nûnerên Îraqê Herêm Kemal Axa, ji malpera fermî ya Yekîtiya Nîştimanî ya Kurdistanê (PUKMEDIA) re ragihand ku: Piştî hewl û xebateke mezin ji bo şopandina qeyrana sotemeniyê bi taybetî benzînê li Îraq û Herêma Kurdistanê, wan biryar da ku komîteya lawekî ava bikin sebaret bi veqetandina 50 hezar bermîlên rojane ji nefta xav ji aliyê Wezareta Petrola Îraqê û radestkirina wê bi Hikûmeta Herêma Kurdistanê ji bo parzûnkirinê û dabînkirina sotemeniyê ji bo welatiyên Herêma Kurdistanê bi bihayekî piştevanîkirî, wekî parêzgehên din ên Îraqê.

Wî da xuyakirin ku: Rasparde ji aliyê lîjneya wan ve ji bo Serokê Parlamentoyê re hatine bilindkirin û û em li vir radighînin ku lîjneya wan dê ji bo bidûvçûnê û şopandina bicihanîna van raspardeyan û hêvîdarin ku çareseriya bingehîn ji bo pirsgirêka kêmiya sotemeniyê û bi taybetî jî madeya benzînê were dîtin ku ew rasparde pêktên ji:

Yekem: Dabînkirina Sotemeniyê ji bo Parêzgehên Herêmê û dabeşkirina wê bi rêya Kompaniya Belavkirina Berhemên Neftî mîqdara şayeste ji bo her parêzgeheke herêmê wekî parêzgehên din ên Îraqê were destnîşankirin.

Mîkanîzma dabeşkirinê bi hevahengiya bi Wezareta Çavkaniyên Xwezayî ya Herêmê re dibe. Heke kêmasiyek di sotemeniyê de hebe, mîqdar bi wekhevî li ser hemû parêzgehan tê dabeşkirin û di vê rewşê de rojane şandina 50 hezar bermîlan ji bo herêmê tê betalkirin û bi rêya kompaniya SOMO tê hinardekirin. Her weha Wezareta Çavkaniyên Xwezayî soz dide ku berhemên neftî li parêzgehên herêmê bi heman bihayê ku ji aliyê Wezareta Neftê ya Federal ve hatiye pejirandin bifroşe.

Duyem: Di rewşa pejirandina pêşniyara zêdekirina nefta xav ji aliyê hikûmeta federal ve, ji bo zêdekirina petrola xav ji 50 hezar bermîlan zêdetir ev xal tên pêşniyarkirin:

1-Li ber çavgirtina hejmara niştecihan bi li berçavgirtina rewşa qeyranan wekî parêzgehên din.

2-Destnîşankirina mîqdarê bi rêya komîteyeke teknîkî ku nûnerên kompaniyên parzûngehan û belavkirina berhemên petrolî tê de bin.

3-Firotina nefta xav a navxweyî ji bo herêmê bi heman bihayê parzûngehên parêzgehên din ên Îraqê.

4-Radestkirina nefta reş bi heman mîkanîzmaya ku li parêzgehên din ên Îraqê tê meşandin.
5-Pabendbûna Wezareta Çavkaniyên Xwezayî bi dabînkirina sotemeniyê ji bo welatiyên herêmê bi heman bihayê pejirandî yê Îraqê.

6-Yekalîkirina lêçûna parzûnkirinê di navbera parzûngehên ser bi Wezareta Petrolê ya Federal û parzûngehên Herêma Kurdistanê de di dawiya her salê de ji bo danîna lêçûnan ji aliyê Wezareta Petrolê ya Federal ve.

PUKMEDIA