Zeydî:Heta 30ê Hezîrana sala hemû kom dê çekên xwe radest bikin

Nivîsingeha Ragihandinê

Elî Zeydî Serokwezîrê Îraqê

Elî Zeydî Serokwezîrê Îraqê ragihandin ku komên çekdar dê di 30ê Hezîrana sala 2027.an de çekan deynin, û tekez kir ku kontrolkirina çekên di destê dewletê de û şerê li dijî gendeliyê "pirsgirêkek rûmetê û pêwîstiyek neçar e, ne vebijarkek e.

Serokwezîrê Îraqê Elî Zeydî ji rojnameya New York Times re ragihand ku pêvajoya sînordarkirin û berhevkirina çekan dê bi agirbesteke 90 rojî dest pê bike, ku têde di navbera komên çekdar û hêzên Amerîkî de êrîş çênabin.

Zeydî amaje bi wê yekê kir ku kontrolkirina çekan di destê dewletê de ne vebijarkek e, lê pêdiviyek neçar e, û şerê li dijî gendeliyê meseleyek rûmetê ye.

Zeydî got:Pêşî, divê çek di destê dewletê de werin komkirin da ku em karibin aboriyek xurt ava bikin,bi saya vê hikûmetê, Iraq dê bibe xalek ji bo hevgirtinê, ne xalek dijminatiyê.

Derbarê bêçekkirina koman de, Elî Zeydî aşkere kir ku peymana bêçekkirinê ya bi komên çekdar re dê di 30ê Îlonê de were ragihandin.

Piştre pêvajo dê bi 90 rojên aştiyê dest pê bike, paşê çekdar dê dest bi radestkirina çekên xwe bikin û pêvajo dê heta 30ê Hezîrana 2027.an bi dawî bibe, armanca dawîn ew e ku van koman wekî avahiyek serbixwe ji holê rakin,endamên wan dê wekî takekesan tevlî refên Heşdî Şeibî bibin û her komek ku piştî wê dîrokê li ser navê koma xwe bixebite dê wekî qanûnşikêner were dîtin.

Di warê aborî de Zeydî got:Di ji destpêka şerê Amerîka û Îranê ve, ji ber astengkirina keştîvaniyê li Tengava Hurmuzê, Îraqê nêzîkî 60 milyar dolar winda kiriye.

Amaje bi wê yekê kir ku,tevî têkiliyan jî, Îranê rê nedaye keştîyên petrolê yên Îraqî ku ji tengavê derbas bibin da ku bihayên petrolê yên cîhanî bilind bikin û zextê bikin.

Di dawiya daxuyaniya xwe de, serokwezîrê Îraqê behsa hewldanên Bexdayê ji bo dîtina rêyek alternatîf kir,ev rêkeftina îsal a bi Turkiye re ji bo zêdekirina hinardekirina petrolê bi riya boriyê û zêdekirina kapasîteya boriyê vedihewîne, ji bilî serdanên me yên Almanya û Fransa me li ser hinardekirina petrolê rasterast bi rêya boriyê bo Ewropa gotûbêj kir.

PUKMEDIA