Amerîka û Danîmarkayê li ser Greenlandê lihev kirin

Reuters

Greenland

Serokê Amerîka Donald Trump ragihand ku Wîlayetên Yekbûyî ya Amerîkayê bi Keyaniya Danîmarkayê û Greenlandê re gihîştine peymanekê ku, "kontrol û ewlehiya daîmî û her cure pêdiviyên din li Greenlandê " dide Washingtonê û tekez kir ku welatê wî li gorî peymanê dê tu mesrefan neke.

Trump diyar jî kiriye ku, armanca peymanê ew e ku "fikarên Amerîkayê" yên derbarê Greenlandê de çareser bike û da zanîn ku êdî Amerîka xwediyê wê hêza temamiye ku li her demê û heta hetayê ewlehiya Greenlandê û Amerîkayê biparêze.
Her wiha got ku ji niha pê ve ti dijminekî Amerîkayê nabe ku bêyî "razîbûna nivîskî ya zelal" li Greenlandê bingeh, hebûna leşkerî yan veberhênanên hesas ava bike.

Serokê Amerîkayê destnîşan kir ku serokên Amerîkayê yên di nava 100 salên borî de girîngiya stratejîk a Greenlandê fêm kiribûn, lê nikarîbûn gavan biavêjin, û da xuyakirin ku rêveberiya wî bi awayekî mayinde ev rewş çareser kiriye.

Ji aliyê xwe ve, Serokwezîra Danîmarkayê Mette Frederiksen û Serokwezîrê Greenlandê Jens Frederik Nielsen pêşwaziya vê peymana ewlehiyê ya ku tê payîn hefteya bê were îmzekirin kirin û tekez kirin ku ev yek dê ewlehiya Greenlandê, Danîmarkayê, Amerîka û NATOyê xurt bike, di heman demê de dê rêzê li serweriya Danîmarkayê û mafê çarenûsa gelê Greenlandê bigire.

PUKMEDIA