Andersson ji bo avakirina hikûmeta nû ya Swêdê hat erkdarkirin

Ajans

Seroka Partiya Sosyalîst a Demokrat Magdalena Andersson

Serokê Parlamentoya Swêdê Andreas Norlen, roja Înê, Seroka Partiya Sosyalîst a Demokrat (Magdalena Andersson) peywirdar kir ji bo avakirina hikûmeta nû, ev yek piştî serketina wê di hilbijartinên parlamentoyê de hat.

Andreas Norlen, di konfêranseke rojnamevanî de diyar kir ku, Seroka Partiya Sosyalîst a Demokrat Magdalena Andersson dê şêwirdariyên pêwîst ji bo avakirina hikûmetê pêk bîne, da ku piştre kabîneya xwe pêşkêşî Parlamentoya Swêdê bike.

Ji aliyê xwe ve, Andersson amadebûna xwe ji bo destpêkirina danûstandinên avakirina hikûmetê teqez kir, û da zanîn ku ew dixwaze bi «giyaneke nû ya hevkariyê» serokatiya Swêdê bike, û armanca wê ew e ku hejmareke herî mezin a aliyan tevlî vê hevkariyê bike.

Tê çaverêkirin ku Andersson a ku di navbera salên 2021 û 2022an de postê yekem serokwezîra jin di dîroka Swêdê de girtibû dest,  hewl bide hikûmetekê ava bike ku sê partiyên din ên çepgir jî tê de bin, li gel hebûna cudahiyên îdeolojîk di navbera wan de.

PUKMEDIA