Elebûdî: Serokwezîr dê serdana Amerîkayê bike û bi Serokê Trump re bicive

PUKMEDIA

Elî Zeydî û Donald Trump

Berdevkê Hikûmeta Fedral Heyder Elebûdî ragihand ku Serokê Encûmena Wezîran Elî Falih El-Zeydî dê hefteya bê ji bo beşdarîkirina di civînên Giştî yên Neteweyên Yekbûyî de serdana Dewletên Yekbûyî bike, û di serdanê de dê bi Serokê Amerîkayê Donald Trump û serokên welatên din re bicive.

Elebûdî di daxuyaniyekî de ji kenalê Îraqiye El-Îxbariye re got: Serokê Encûmena Wezîran dê hefteya bê ji bo beşdarîkirina di civîna Giştî ya Neteweyên Yekbûyî de serdana Dewletên Yekbûyî bike û gotara Îraqê pêşkêş bike, û da xuyakirin ku "bernameya serdanê dê civînên bi Serokê Amerîkayê û serokên welatên din re bihewîne".

Wî zêde kir ku "tevgera Serokê Encûmena Wezîran pêkanîna peywendiyên stratejîk ên di navbera Iraq û welatan de nîşan dide," û da zanîn ku "Serokwezîr dê di çarçoveya xebatên ji bo berdewamiya peywendiyên aborî û bazirganî yên di navbera her du welatan de, beşdarî civîna Odeya Bazirganî ya Amerîkî bibe."

Elebûdî tekez kir ku 30ê Îlonê nîşaneke serwerî ya girînge ku pê re peywendiya bi Waşintonê re dê veguherîne hevkariyeke aborî ya demdirêj.

PUKMEDIA