Pentagon:Xerciyên şerê li dijî Îranê 33.4 Milyar Dolar bû

Ajans

Avahiya Pentagonê

Xerciyên leşkerî ya rasterast ji bo şerê Amerîka-Îsraîlê li dijî Îranê ji bo Amerîka bi qasî 33.4 milyar dolarî hatiye texmînkirin,rapora Pentagonê fişara li ser depoyên cebilxaneyê û zincîrên dabînkirinê ronî dike û dibêje ku heke şer berdewam bike, Amerîka bi pirsgirêkên darayî û lojîstîkî yên nû re rû bi rû dimîne.

Her ku şerê Amerîka-Îsraîlê li dijî Îranê berdewam dike, lêçûna leşkerî ya rasterast ya vê pevçûnê ji bo Amerîka her ku diçe eşkere dibe,bikaranîna gelek cebilxane, windabûna alavên leşkerî û zirara li baregehan zextê li ser depo û zincîrên dabînkirinê yên Amerîka dike.

Raporta PENTAGONÊ: Xerciyên şer 33.4 Milyar Dolar bû

Li gorî raportek nû ya ku ji hêla Ofîsa Mufetîşê Giştî yê Wezareta Parastinê ya Amerîka (Pentagon) ve hatiye amadekirin, şerê ku di 28ê Sibatê de dest pê kir bûye sedema kêmbûna dabînkirina cebilxaneyê û astengiyên di zincîrên dabînkirinê de.
Her weha di raportê de tê destnîşankirin ku rêveberiya Donald Trump hewl dide çekên ku têne bikar anîn biguhezîne.

Raporta NBC News serdema ji 28ê Sibatê heta 30ê Hezîranê li xwe digire, li gorî raportê, Wezareta Şer ji bo ku zûtir bersivê bide rewşên awarte yên dibekî, pêdiviyên girîng kom dike,ew ji bo lezandina pêvajoyên dabînkirina pêkhate û cebilxaneyê kar dike di vê çarçoveyê de, armanc ew e ku demên hilberîn û depokirinê jî kurt bibin.

PUKMEDIA