Hilbijartinên giştî li Siwêdê bi rêve diçe

PUKMEDIA

Hilbijartina

Îro 13/9/2026an, li Swêdê hilbijartinên giştî ji bo diyarkirina endamên parlamentoyê, rêveberiya herêman û encumenên şaredariyan tên lidarxistin, ku dengdêr 349 endaman ji bo parlamentoyê hildbijêrin û li gorî amaran 84 kesayetên kurd li ser lîsteyên partiyên siyasî yên cuda bûne namzed.

Bi giştî niştecihên Siwêdê 10 mîlyon û 610 hezar û 500 kese, lê di vê hilbijartinê de û li gorî dawîn amûr û agahiyên dezgeha hilbijartinê ya Siwêdê, heşt mîlyon û 46 hezar û 725 kes mafê dengdanê heye. Her wiha welatê Siwêdê li ser 290 komon û 21 herêman hatiye dabeşkirin, pêvajoya dengdanê bi awayekî hêsan û rêxistinkirî birêve diçe û dengdêr 349 namzetan ji bo parlamentoyê hildibijêrin. Piştî qedandina pêvajoyê jî ji bo pêkanîna hikûmetê, pêwîst e aliyê serketî an tifaqa wan xwediyê 175 kursiyan be.

Ji bo hilbijartinên giştî yên Siwêdê, 54 hezar û 212 namzet xwe ji bo hilbijartinan xistine lîsteyê, di nav wê hejmarê de Kurd jî di her sê astên parlamentoyê, herêm û şaredariyan de beşdar in û xwe namzet kirine, ku hejmara wan 84 kesayetiyên diyar in û ji çalakvan, hunermend û siyasetmedaran pêk tên.

Her wiha piraniya wan li ser Partiya Sosyal Demokrat xwe namzet kirine ku hejmara wan 30 kesin. Ev namzet li ser lîsteya partiyên siyasî yên sereke yên wekî Partiya Sosyal Demokrat, Partiya Çep û Partiya Kesk hatine belavkirin.

Ji bo vê dewreya hilbijartinê, 165 hizib û aliyên siyasî pêşbaziyê dikin ji bo bidestxistina pirtirîn kursiyên parlamentoyê. Niha 8 hizib endamên wan di parlamentoya Siwêdê de hene, ew jî ev in: "Sosyal Demokrat, Demokratên Swêdê, Moderat, Hizba Navend, Hizba Çep, Demokratên Mesîhî, Hizba Jîngehê û Lîberal ku ev hizib li ser du navend û bangekan ku çep û rast in dabeş bûne, li gorî rapirsiyan, Partiya Sosyal Demokrat di pileya yekem de ye û pêşbînî dibe ku nêzîkî 33 ji sedî yê dengan bi dest bixe.

Ev di demekê de ye ku hêj li Siwêdê sîstema bendê di hilbijartinan de tê cîbicîkirin û pêwîst e partî û alî rêjeya 4% ya dengan derbas bikin ji bo ketina nava parlamentoyê, lê ji bo şaredarî û herêman rêjeya 3% hatiye diyarkirin.

Hilbijartina îsal jî dê bibe xula 52an a parlamentoyê, piştî çaksaziya destûrî ya sala 1866an û damezirandina parlamentoya nû, her wiha beriya sala 1970yî, hilbijartina şaredarî û herêman – ku di wê demê de jê re digotin "Landsting" – du sal piştî hilbijartina parlamentoyê û di nîveka xula parlamentoyê de birêve diçû, lê ji sala 1970yî û pê ve tevahiya xulên wan bi parlamentoyê re hatine hevtaykirin û rêkxistin.

PUKMEDIA