Li tengava Hurmizê şer û pevçûnên leşkerî zêdetir tund dibin

PUKMEDIA

Şerê Îran û Amerîkayê

Nakokiyên leşkerî yên di navbera Amerîka û Îranê de li Tengava Hurmiz û navçeyê gihîştiye qonaxeke metirsîdare bi curekê ku Îranê ji bo cara yekem serî li bikaranîna mûşekên balîstîk ên pêşketî xistiye da ku êrîşî keştiyên şer ên Amerîkayê bike, li hemberî wê jî Waşintonê bersiveke tund da êrîşan.

Piştî ku hêzên Îranê çend caran keştiyên şer ên Amerîkayê, di nav de keştiya balafirhildêr û hêzên din ên li Urdinê, bi mûşekan kirine armanc, artêşa Amerîkayê daxuyand ku tevahiya êrîşên hatine pûçkirin û keştiyan karîne xwe ji êrîşan biparêzin û di bersivê de jî hêzên Amerîkayê pênc tankerên neftê yên Îranî li nêzî Tengavê û Girava Xarkê têk birin.

Ji aliyekî din ve, ev tundûtûjiya leşkerî bandoreke rasterast li ser kerta bazirganî û aborî çêkiriye û trafîka keştiyan a li Tengavê bi rêjeyeke berbiçav ketiye û tenê heft keştiyan karîbû derbas bibin, di demekê de ku çendîn keştiyên din ên bazirganî jî li navçeyê ketine ber êrîş û tundûtûjiyê û supaya Pasdaran jî berfirehkirina navçeya qedexekirî li herêmê ragihand.

Di heman demê de, Serokê Amerîkayê Donald Trump ragihand ku ew pêşbînî dike nakokî piştî hilbijartinên nîvê xulê bi dawî bibin. Tevî ku Trump tekezî li ser serketinê dike, lê şêwirmendên wî yên pilebilind wekî J.D. Vance û Marco Rubio di civînên girtî de hişyarî dan ku egera dirêjbûna vî şerî ji bo demekî dirêjtir heye.

PUKMEDIA