Serokkomar: Pirtûk di projeya şaristaniya Bexdayê de roleke girîng heye

Ragihandina Serokomar

Serokkomar di serdana pêşangeha pirtûkan li Bexda

Serokkomarê Îraqê Nizar Amêdî, bi hevrêtiya Wezîrê Rewşenbîrî û Geştûguzarê û Şûnwaran û Wezîrê Jîngehê, serdana 27emîn Pêşangeha Navneteweyî ya Pirtûkê ya Bexdayê ya kir û li nûtirîn belavkerên dezgehên çap û belavkirinê yên Îraqî, Erebî û navneteweyî nêrî û ji nêz ve ew sernav û berhemên ku di warên ramanî û akademîk ên cuda de pêşkêş dikin dîtin.

Di dema giftûgoyên xwe de ligel hejmarek ji dezgehên belavkirinê û beşdarên pêşangehê, Serokkomar tekez kir ku, Pêşangeha Navneteweyî ya Pirtûkê ya Bexdayê berdewamiya mîras, çand û şaristaniya Bexdayê ye, wekî paytexta zanist, çand û ramanê.

Wî her wiha da xuyakirin ku Bexda hêjayî wê yekê ye ku pêgeha xwe wekî çirayeke zanist û rewşenbîriyê vegerîne, her wiha pirtûk navenda projeya rewşenbîrî ya nû be û tekez jî kir ku rênêsansa Îraqê ji avakirina gelê wê dest pê dike, û pirtûk jî yek ji amûrên vê pêşketinê ye.

Serokkomar diyar kir ku pêşangehên pirtûkan sekoyeke girîng in ji bo danûstandina hizrî ya di navbera gelan de, ku rengvedana asta pêşketin û berivpêşveçûna wan nîşan dide û her wiha rola wan di pêşxistina azadiya raman û derbirînê de diyar dike.

Di heman demê de pesnê ew hewldanên ji bo serxistina van çalakiyên rewşenbîrî ya vekirî da, ya ku rola pirtûkê di avakirina civakê û çêkirina paşerojê de nîşan dide.

PUKMEDIA