Zanayekî Zanîngeha Silêmaniyê vedîtineke girîng radigihîne

PUKMEDIA

Profesor Dr. Dilşad Ezîz Marif

Mamosteyê Beşa Şûnwarnasiyê li Kolêja Zanistên Mirovî ya Zanîngeha Silêmaniyê Profesor Dr. Dilşad Zamwa, amûrekî destî yê kevirî yê serdemên berî dîrokê dît û pêşkêşî Rêveberê Şûnwariyê û Çandê yê Silêmaniyê kir.

Di vedîtina xwe ya herî nû de, Profesor Dr. Dilşad Ezîz Marif ku bi (Dr. Dilşad Zamwa) tê naskirin mamosteyê Beşa Şûnwariyê li Kolêja Zanistên Mirovî ya Zanîngeha Silêmaniyê, di çarçoveya merasîma Zanîngeha Silêmaniyê de li Hola Kongresê ku bi boneya ketina navê Zanîngeha Silêmaniyê nava pirtûka Gînessê de hatibû sazkirin, di semînareke kurt de kurteya vedîtina xwe ya girîng pêşkêş kir ku bû sedema matmayîna amadebûyiyan. Ew jî vedîtina amûrekî destî yê kevirî yê serdemên berî dîrokê bû li Çemê Waje ya li navçeya Şarbajêr e.

Paşê Dr. Dilşad Zamwa, bi navê Beşa Şûnwariyê û Zanîngeha Silêmaniyê, vedîtina xwe pêşkêşî birêz Haşim Heme Ebdulah kir wek Rêveberê Şûnwarî û Çandê yê Silêmaniyê.

Roja 3yê Îlona 2026an de, Zanîngeha Silêmaniyê ji ber çêkirina mezintirîn hevoka ku bi daran hatibû çandin, navê xwe xist nava pirtûka Gînesê. Ev gava jîngehê, ji aliyê Serokatiya Zanîngehê, Parêzgarê Silêmaniyê û Wezareta Xwendina Bilind ve wekî gaveke girîng ji bo navneteweyîkirina zanîngeha dayîk û bilindkirina pêgeha Silêmaniyê li ser nexşeya jîngehê û dahênana cîhanî hate nirxandin.

PUKMEDIA