Serokkomar: Aşkerekirina çarenûsa qurbaniyên gorên komî erkek neteweyî ye

Ragihandina Serokkomar

Serokkomar û Tîma Niştimanî ya pispor a vekirina gorên komî

Serokkomarê Îraqê Nizar Amêdî, îro Pêncşemê 3ê Îlona 2026an, li Koşka Selam ya li Bexdayê, Tîma Niştimanî ya pispor a vekirina gorên komî pêşwazî kir.

Serokkomar tekez kir ku aşkerekirina çarenûsa qurbaniyên gorên komî erkeke neteweyî û mirovî ye, û girîngiya berdewamkirina hewldanên ji bo vekirina gorên komî, derxistina terman, naskirina nasnameya qurbaniyan û radestkirina wan ji malbatên wan re destnîşan kir.

Her wiha tekezî li ser dadperwerî ji bo malbatên ku hîn jî li bendê ne ku çarenûsa zarokên xwe bizanibin, û her wiha belgekirina sûcên ku gelê Îraqê rûbirûyî wan bûye û parastina bîra neteweyî kir.

Serokkomar ji aliyê xwe ve guhdarî li karên herî girîng ên ku ji aliyê tîmê ve hatine encamdan û astengên li pêşiya karê wan hatine gotûbêj kirin, û tekezî li ser pêwîstiya dabînkirina piştevaniya pêwîst û hêsankirina rêkarên têkildarî vekirina gorên komî û temamkirina pêvajoyên naskirina terman li gorî pîvanên qanûnî û zanistî kir.

PUKMEDIA