Dije Terora Herêm û Îraqê tekez li ser xurtkirina hevkariyê dikin

Ragihandina Dije Terorê (CTG)

Dije Terora Herêma Kurdistanê û Dije Terorê yên Îraqê tekez li ser pêwîstiya xurtkirina hevkariya xwe kirin.

Wehab Helebceyî, Rêveberê Giştî yê Ajansa Dije Terorê (CTG), digel hejmarek ji efserên payebilind yên rêveberiyê, serdana baregeha Dezgeha Dije Terorê ya Îraqê (ICTS) li Bexdayê kir û ji aliyê Lîwa Rukin Zeyd Huşî El Mûsawî, Berpirsê Sezgeha Dije Terorê ya Îraqê ve hatin pêşwazîkirin.

Armanca serdanê pîrozbahîkirina Ferîq Rukin Zeyd Huşî El-Mûsewî bû ji ber destnîşankirina wî wekî Berpirsê Dezgeha Dije Terorê ya Îraqê û di pêkanîna erk û berpirsiyariyên xwe yên neteweyî de serkeftin jê re xwest.

Di hevdîtinê de, her du aliyan li ser pêşxistina peywendiyan û bihêzkirina hemahengiyê di navbera Dezgeha Dije Terorê ya Hikûmeta Herêma Kurdistanê (CTG) û Dezgeha Dije Terorê ya Îraqê (ICTS) de gotûbêj kirin û tekezî li ser berfirehkirina hevkariya ewlehî, hewalgirî û meydanî kirin.

Di hevdîtinê de, serokên her du dezgehên dijî terorê tekez kirin ku pêwîste piştgiriya hevdu berdewam bikin û xurt bikin ji bo jiholêrakirina gefên terorê, parastina ewlehî û aramiyê û dabînkirina hawîrdorek aram û ewle li Herêma Kurdistanê û li seranserî Îraqê.

Hêjayî gotinê ye ku;herdu dezgehên dije-terorê û hewalgiriyê di demên berê de bi rêya danûstandina hewalgiriya berfireh û hevrêzkirina ewlehiyê piştgirên bihêz yên hev bûn; hevkariyek ku di şerkirin û jiholêrakirina komên terorîst û gefên wan û girtina kesên lêgerînkirî de roleke girîng lîstiye.

PUKMEDIA