CENTCOM:Rêya Tengava Hurmuzê îro vekirî ye

Ajans

Amîral Brad Cooper, fermandarê Fermandariya Navendî ya Amerîka (CENTCOM)

Amîral Brad Cooper, fermandarê Fermandariya Navendî ya Amerîka (CENTCOM), ragihand ku Amerîka li Tengava Hurmuzê mînên ku bi serkeftî hatibûn çandin, rakirine û got:Şert û merc pir dijwar û metirsîdar bûn, lê me ev erk bi cih anî û di encamê de, rêyên keştîyên navneteweyî ji îro ve vekirî ne û trafîka deryayî zêde dibe.

Cooper aşkere kir ku wan alîkariya nêzîkî 1500 keştîyên bazirganî yên ku nêzîkî 750 milyon bermîl petrola xav di tengavê re derbaz dikirin, kiriye û 75 keştîyên ku hewl didan dorpêça deryayî ya li ser benderên Îranê bişkînin, hatine paşve xistin.

Cooper tekezî li ser hebûna leşkerî ya berdewam ya Amerîka li herêmê kir û got: Gelek ji 50 hezar leşkerên me yên li seranserê herêmê hatine bicihkirin, ji bo domandina herikîna trafîka bazirganî ya bi rêya Tengava Hurmuzê, di heman demê de dorpêça deryayî ya li dijî Îranê jî disepînin, û karekî awarte dikin.

Cooper diyar kir ku artêşa Amerîkî li Tengava Hurmuzê destkeftiyek girîng bi dest xistiye û got:Me bi serkeftî mînên deryayî yên ku Supaya Pasdarên Şoreşa Îranê çend meh berê li ser rêyên keştîvaniyê yên navneteweyî yên li Tengava Hurmuzê danîne paqij kirin,bi saya hewldanên awarte yên artêşa Amerîkî, ev rêyên li Tengava Hurmuzê niha ji mînên deryayî yên Îranê bê par in.

Cooper diyar kir ku hêzên Amerîkî di mehên dawî de alîkariya nêzîkî 1500 keştiyên bazirganî kirine ku bi qasî 750 milyon bermîl petrola xav di Tengava Hurmuz re derbaz dibin, û got: Her çend hêzên Amerîkî piştgirî dane derketina 750 milyon bermîl petrola xav ji Kendavê jî, Îran ji dema ku me di nîvê Tîrmehê de dorpêça deryayî ji nû ve danî, nekariye petrol ji peravên xwe derxîne lewra em pir bi bandor bûne; bêyî destûra me ti keştiyek nekariye bikeve an jî derkeve benderên Îranê lê me tenê ji ber sedemên mirovî destûr daye derbazbûnê.

Cooper her wiha destnîşan kir ku "ji dema ku dorpêç ji nû ve danî, bi hezaran personelên Amerîkî yên ku zêdetirî 20 keştiyên şer û bi sedan balafiran ferman dikin, 75 keştiyên ku hewl dan dorpêçê bişkînin û ji ber ku li gorî talîmatan tevnegeriyane, nehiştine ku sê keştiyan bixebitin, paşve xistine.

Cooper aşkere kir ku hêzên Fermandariya Navendî ya Amerîka, ku xwedî hêzek "kujer" in, bi tundî hişyar dimînin.

PUKMEDIA