Li Silêmaniyê Yekemîn Konferansa Navdewletî ya Penceşêrê tê lidarxistin

Medya

Nexweşxaneya Hîwa

Yekemîn Konferansa Navdewletî ya Penceşêrê li Nexweşxaneya Hîwa, bi beşdariya zêdetirî 200 pispor, bijîşk, lêkolîner û serkirdeyên çavdêriya tenduristiyê û pisporên navdewletî tê lidarxistin û armanca konferansê jî hişyariya giştî û çareserkirina nexweşiyê ye.

Li gorî vexwendineke Nexweşxaneya Hîwa ku ji kenalên ragihandinê re şandiye, yekemîn Konferansa Navdewletî ya Penceşêrê li Nexweşxaneya Hîwa, biryarderên warê penceşêrê ji seranserê Îraq, Herêma Kurdistanê û Silêmaniyê dicivîne, mil bi milê bi dehan pisporên navdewletî, bi beşdariya zêdetirî 200 pispor, bijîşk, lêkolîner û serkirdeyên çavdêriya tenduristiyê.

Nexweşxaneyê amaje bi wê yekê jî kiriye ku konferans di rojên 4 û 5ê Sibata 2027an de li bajarê Silêmaniyê tê lidarxistin.

Konferans dê ronahiyê bixe ser xweparastina ji penceşêrê, destnîşankirina pêşwext, çareserî û lêkolînê, eve ji bilî wê yekê ye ku Silêmanî wekî navendeke geşbûnê ji bo pêşvebirina bijîşkî û hevkariya navdewletî di çavdêriya penceşêrê de tê naskirin.

PUKMEDIA