Amerîkayê Sûriye ji lîsteya terorê derxist

sana

Ala Amerîka û Sûriyê

Wezareta Gencîneyê ya Amerîkayê bi fermî derxistina Sûriyê ji lîsteya dewletên piştgirê terorê ragihand û hemû sizayên ku bi terorê re têkildar in li ser wî welatî helweşandin.

Ev gava Washingtonê piştî wê yekê tê ku rêkarên yasayî yên têkildarî lêkolîna Kongreyê bêyî ti nerazîbûnekê bi dawî bûn.
Wezareta Gencîneyê ya Amerîkayê eşkere kir ku biryar dê tavilê bikeve warê cîbicîkirinê de û ji niha pê ve Sûriye êdî ne di bin xal û rêzikên taybetî yên piştgiriya dewletê ji bo terorê de ye.

Di heman demê de ligel vê biryarê,bendên ku bi alîkarî û hevkariyên Wezareta Derve ya Amerîkayê ve ji bo Sûriyê girêdayî ne û rêkarên qedexekirina kirîn û firotina çekan li ser wî welatî bi temamî hatin rakirin.

Di çarçoveya heman lêkolînê de, Washingtonê her du rêxistinên "Tehrîr El-Şam" û "Eniya Nusrayê" ji lîsteya rêxistinên terorîst ên navneteweyî derxistin, ev yek jî wekî werçerxanekî bingehîn di siyaseta derve ya Amerîkayê de li hember rewşa navçeyê tê jimartin.

PUKMEDIA