Washington li dijî Îranê kampanyayeke aborî ya berfireh da destpêkirin

PUKMEDIA

Şerê li Rojhilata Navîn

Wezîrê Gencîneyê yê Amerîkayê Scott Bessent, îro roja Duşemê, destpêkirina kampaniyayeke berfireh ragihand ku têkiliyên darayî yên Îranê yên li seranserê cîhanê dike armanc, daku Tehranê ji aliyê aborî ve dorpêç bike û hemû damarên wê yên darayî qut bike.

Bessent di civîneke çapemeniyê de li ser sizayên li dijî Îranê got, "Washington dê mekanîzmaya şopandin û çavdêriya aliyên ku bi awayekî darayî bi Tehranê re dixebitin lez bike," û hişyarî da ku "her aliyek ku berdewam bike di hevkariya bi Îranê re, dê rûbirûyî sizayan û dorpêça aborî bibe û dê ji sîstema dolar derkeve."

Bessent zêde kir û got: "Siza dê sektorên wizeya atomî, mûşek, pîşesaziyên elektronîkî û petrolê bigire nav xwe", eşkere jî kir ku Serokê Amerîkayê Donald Trump têkiliyên telefonî bi serokên cîhanî re dike ji bo qutkirina têkiliyên aborî yên bi Îranê re.

Wî diyar kir ku pêwîste her welat amade be ji bo rûbirûbûna sizayên Amerîkayê heke ew piştgiriya Îranê bikin.

Wezîrê Gencîneyê weha pêde çû; "Her cûre têkiliyek aborî bi Îranê re dê berpirsan bi temamî bixe ber hêza Amerîkayê."
 
Wî da zanîn ku: "Siza 60 qeware, kes û keştiyên ku bi Îranê ve girêdayî ne di warên wizeya atpmî, mûşek û petrolê de digirin nav xwe."

Bessent her wiha bal kişand ser wê yekê ku sizayên Amerîka kompanî û keştiyên fîloya sîber li Mîrnişînên Erebî yên Yekbûyî, Hong Kong, Çîn, Singapûr û Swîsreyê dikin armanc.

PUKMEDIA