Ewlekariya Nîştimanî vegerandina çend perçeyên kevnar ji şeş parêzgehan ragihand

PUKMEDIA

Ewlekariya Nîştimanî

Saziya Ewlehiya Nîştimanî ya Îraqê îro Duşemê ragihand ku di encama operasyonên taybet de li 6 parêzgehan, komek perçeyên kevnar û kêmdîtî hatine vegerandin.

Saziya Ewlehiya Nîştimanî di daxuyaniyekê de ku gihîşt destê PUKMEDIAyê, diyar kir ku Rêveberiya Ewlehiyê ya Saziya Ewlehiya Nîştimanî li Bexdayê "karîbû komek ji perçeyên kevnar û kêmdîtî ku ji (5) peyker, (5) tiçtên ku bi heriyê hatine çêkirin(fexar)mohreke û diravên hesinî yên kevnar pêk dihatin, vegerîne. Saziyê da zanîn ku "tedbîrên yasayî ji bo desteserkirina wan hatine girtin daku ji bo parastina wan li gorî qanûnê li cihên taybet û bi rêya aliyên peywendîdar bên radestkirin.
 Di heman çarçoveyê de, Saziyê rêze operasyonên taybet li parêzgehên (Kirkûk, Nînewa, Enbar, Babil û Wasit) pêk anîn ku li ser bingehê agahiyên îstixbaratî yên hûr û biryarên dadgehê hatibûn kirin. Saziyê eşkere kir ku ev operasyon bûn sedema "desteserkirina bi sedan berhemên kevnar, destnivîs û sikên zêrîn ên kêmdîtî, û her wiha girtina çend bazirgan û qaçaxçiyên mîrateya şaristanî (çandî).

Ewlehiya Nîştimanî di daxuyaniya xwe de tekez kir ku "hemû tohmetbar ji bo temamkirina rêkarên qanûnî yên derbarê wan de hatine şandin bo aliyên dadwerî yên peywendîdar.

PUKMEDIA