Şeybanî:Peywendiyên navbera me û Îsraîlê niha qut bûne

Ajans

Wezîrê Derve yê Sûriyê Esed Hesen El-Şeyban

Wezîrê Derve yê Sûriyê Esed Hesen El-Şeybanî derbarê aloziyên berdewam ên di navbera welatê wî û Îsraîlê de daxuyaniyek da û ragihand ku peywendiyên di navbera Şam û Tel Avîvê de qut bûne.

Esed Hesen El-Şeybanî piştrast kir ku rêveberiya Şamê di mercên heyî de baweriya xwe bi Îsraîlê nayne û destnîşan kir ku pêşîniya sereke ya Sûriyê rawestandina tavilê ya êrîş û binpêkirinên qada esmanî ya Îsraîlê ye.

Wezîrê Derve yê Sûriyê diyar kir ku alozî di navbera Tel Avîv û Şamê de berdewam dikin û got:Danûstandinên me bi Îsraîlê re qut bûne û tekez kir ku kanalên dîplomatîk vekirî ne û got:Em hêvî dikin ku danûstandinên li ser peymanek ewlehiyê bi Îsraîlê re di demek nêzîk de ji nû ve dest pê bikin û tekez kir ku Sûriye destê xwe di dîplomasiyê de dirêj dike û divê Îsraîl vê derfeta dîrokî bikar bîne.

El Şeybanî behsa êrîşa asmanî ya Îsraîlê ya roja Sêşemê li ser baregeha hewayî ya Ebû Zuhur kir û diyar kir ku Îsraîlê baregeh li ser bingeha îdiaya ku Sûriye dê destûrê bide bicihbûna hêzên Turkiye li herêmê bombebaran kir, ev îdia hem ji aliyê Sûriyê û hem jî ji aliyê Turkiyê ve hat redkirin.

PUKMEDIA