Dr. Xalid Şiwanî û Balyozxaneya Amerîkayê alîkariya yasayî û dadî gotûbêj dikin

Ragihandina Wezareta Dadê

Wêneyê Hevdîtinê

Wezîrê Dadê yê Îraqê pêşwaziya Kargêrê Karên Balyozxaneya Amerîkayê li Bexdayê kir û dosya veguhastina girtiyên biyanî ji Sûriyê û alîkariya yasayî û dadî ya di navbera her du welatan de gotûbêj kirin.

Îro Şemî 22.08.2026, Wezîrê Dadê yê Îraqê Dr. Xalid Şiwanî, pêşwaziya Kargêrê Karên Balyozxaneya Amerîkayê li Bexdayê Joshua Harris, kir, di civînê de çend dosyayên ku cihê giringiya hevbeş bûn hatin gotûbêjkirin, ya herî diyar dosya veguhastina girtiyên biyanî ji Sûriyê bo Îraqê bû, ligel gotûbêjkirina rêkarên xurtkirina hevkariya duqolî di warên qanûnî û dadî de.

Her di heman civînê de behsa mekanîzmayên hevkarî û hemahengiyê yên derbarê dosyaya girtiyên biyanî û awayê rûbirûbûna vê dosyeyê di çarçoveya qanûnî û rêkarên tên şopandin de hat kirin, ku ev yek di heman demê de li gorî qanûnên Îraqê û pabendbûnên navneteweyî ye.

Ji aliyê xwe ve Joshua Harris spasiya hikûmeta Îraqê û Wezareta Dadê kir ji bo rola wan di proseya veguhastina girtiyên biyanî ji Sûriyê bo Îraqê de, û dupat kir ku Amerîka bi hevahengiya ligel hevparên xwe dixebite daku piştgiriya pêwîst pêşkêşî Îraqê bike di vê dosyeyê de, daku bandora xwe hebe di xurtkirina hewlên hevbeş ên di navbera Bexda û Washingtonê de.

PUKMEDIA