Pentagon berpirsên rojnameya "Stars and Stripes" a leşkerî ji kar avêtin

Ajans

Logoya Pentagon û Ala Amerîka

Wezareta Şer a Amerîkayê (Pentagon) sernivîserê rojnameya "Stars and Stripes" Eric Slavin, nûnera karûbarên Rojhilata Navîn Lara Corti, û her wiha weşangerê rojnameyê Max Lederer ji kar avêtin, ev gav bû sedema fikaran li ser serxwebûna vê rojnameya leşkerî ya ku xwedî dîrokeke dirêje di pêşkêşkirina nûçeyên hêzên Amerîkî li seranserê cîhanê de.

Sernivîserê rojnameya Eric Slavin ji ajansa Associated Press re ragihand ku ew bi tohmeta (serîhildana li hember fermanan) hatiye agahdarkirin ku xizmeta wî bi dawî bûye; ev yek piştî hevpeyvîneke giştî hat ku tê de rexne li destwerdan û çavdêriya gengaz a artêşa Amerîkayê li ser xebata edîtorî ya rojnameyê girtibû.

Dîroka rojnameya "Stars and Stripes" vedigere ser Mijdara 1861ê, di dema Şerê Navxweyî yê Amerîkayê de, dema ku leşkerên ji eyaleta Îllinoisê rojnameyek li nav kampa xwe li Bloomfield a Mîsûriyê ava kirin, piştî ku dîtin nivîsîngeha rojnameyê valaye û leşkeran belavukek belavkirin û têde çalakiyên xwe weşandin û navê wê kirin "Stars and Stripes".

Piştî derbasbûna 160 sal, rojname bû saziyeke medyayî ku xizmeta endamên hêzên Amerîkî yên li derveyî Amerîkayê belavkirî dike, û çapên taybet ji bo Ewropa, Rojhilata Navîn û Okyanûsa Aram derdixe.

Tevî ku rojname ji aliyê dîrokî ve bi artêşa Amerîkayê ve girêdayî ye û beşek ji aliyê Wezareta Berevaniyê ve tê fînansekirin, "Stars and Stripes" kevneşopiyeke serbixweyiya edîtorî parastiye. Ev yek bû sedem ku tedbîrên dawî yên li dijî serkirdên wê pirsan li ser paşeroja vê serxwebûnê derxînin holê.

Ev ji kar avêtin di demekê de tên ku rêveberiya Serokê Amerîkayê Donald Trump nêzîkatiyeke tundtir li hember medyayê dipejirîne, di nav de danîna sînorên hişk li ser gihîştina rojnamevanên ku Wezareta Berevaniyê dişopînin bo avahiya Pentagonê.

Ev bilindbûna aloziyê rojnameya "Stars and Stripes" dixe ber ceribandineke nû derbarê şiyana wê ya parastina serbixweyiya xwe ya edîtorî de, di bin siya pêwendiya wê ya darazî û sazûmanî ya dirêj bi Wezareta Berevaniyê ya Amerîkayê re.

PUKMEDA