Nirxê petrolê cîgir bû

PUKMEDIA

Petrol

Îro roja Pêncşemê di destpêkê danûstandinên li Asyayê de, bihayên petrolê piştî ku Serokê Amerîkayê Donald Trump gefa sepandina qedexeyên aborî yên tundir li ser Îranê xwar, li cihê xwe man.

Bihayên petrola xav nêzîkî asta xwe ya herî bilind a di mehekê de bûn û ji bo pênc rûniştinên li pey hev qezenc tomar kirin, ev yek jî di nava berdewamiya aloziyên li Tengava Hurmizê de ye bêyî hebûna nîşanên aramkirina rewşê.
Girêbestên pêşerojê yên petrola xav a Brêntê bi rêjeya %0.25 zêde bûn û gihîştin 91.85 dolarî ji bo her bermîlekê, di heman demê de girêbestên pêşerojê yên petrola xav a Teksasa Rojavayî (WTI) bi rêjeya %0.15 zêde bûn û bûn 84.52 dolar ji bo her bermîlekê.

Bazaran xwe ji bo rûbirûbûnekî dem dirêj li Tengava Hurmuzê amade kir, ev yek piştî daxuyaniya Trump hate ku got Waşînton dê tedbîrên aborî yên tundir li ser Îranê bisepîne.
Trump hûrgiliyên van qedexeyên nû eşkere nekir, lêbelê wî bang li hevalbendên Amerîkayê kir ku tevlî vê pêngavê bibin û hişyarî da her welatê ku bazirganiyê bi Îranê re bike, û planên xwe wekî "çalakiya aborî ya herî binavûdeng û qirkirinê ya ku li dijî her welatekî di dîrokê de hatine girtin" pênase kir.

PUKMEDIA