Navenda Derve ya YNKê rêzê li xebata çar hevalan digire

Taybet

Wêneyekê Merasîmê

Li baregeha Mekteba Karûbarên Rêxistinî û bi amadebûna endamên serkirdayetiyê û hevalên organan, Navenda Derve merasîmeke rêzgirtinê ji bo çar hevalên derveyî welat li dar xist. Bi mebesta destxweşî û handanê, bi rêya wan hevalan, têkoşîn û xebata giştî ya hevalên derveyî welat hate bilind ragirtin.

Di gotarekê de, endamê serkirdayetiyê û berpirsê Navenda Dervey ê YNKê Salar Mehmûd diyar kir û got: Bi salane ku YNKyîyên derveyî welat kar û têkoşîneke mezin pêk tînin û lobiyê ji bo Kurdistanê dikin. Di pirsên niştimanî de di rêza pêş a xwepêşandan û girevgirtinan de ne û dengê bilind ê Kurdistanê ne li diasporayê.

Berpirsê Navenda Derve tekez li ser guhertina mekanîzmaya kar kir ku bi hewldan û şert û mercên îro yên xebata li derve re guncaw be. Her wiha civaka revebenda kurdî wekî parçeyeke din a Kurdistanê da xuyakirin, lê belê ji aliyê mirovî, hişyarî û aborî ve bandortir e, ku dikarin bandorê li ser raya giştî ya navneteweyî çêbikin.

Sala Mehmûd got jî: Her yek ji hevalan (Hendrîn Mehmûd, Darewan Hacî Hamid, Aram Ehmed Braxas û Rizgar Mehmûd) mînakên çend kadroyên pêşketî yên xwedî gelek enerjî ne ku bi salan e di nava revenda kurdî de rola bandorker dilîzin û ez destxweşiyê li wan dikim. Ev merasîma rêzgirtinê jî wekî handanekî din e ji bo wan û hevalên din ên YNKê yên derveyî welat; em ê bi hev re bi coş û kelecaneke nû ve dewamiyê bidin xebata xwe wekî ku qonax û gel ji me dixwaze.

Di heman merasîmê de hevalên hatine rêzgirtin bi kurtî gotarên xwe pêşkêşî amadebûnan kirin.

PUKMEDIA