Li Silêmaniyê çendîn projeyên xizmetguzarî dikevin warê cîbicîkirinê

Ragihandina Şaredariya Silêmaniyê

Yek ji Projeyan

Sibeha îro Duşemê, 17ê Tebaxa 2026an, Seroka Şaredariya Silêmaniyê Leyla Elî, tevî Alîkarê Serok, berpirsê projeyan, nexşesazî û dîzaynê, berpirsê kolana 100 metreyî û komek ji endazyarên serpereştên projeyan, rêze serdanên meydanî ji bo çend projeiyên xizmetguzarî û binesaziyê yên giring li bajarê Silêmaniyê pêk anîn.

Armanca serdanan, şopandina rasterast a asta pêşveçûna karan û naskirina astengiyên li pêşiya cîbicîkirina projeyan û hewlên ji bo lezkirina temamkirina wan bû. Di dema serdanan de rewşa cîbicîkirina her yek ji projeyan bi hûrgilî hate nirxandin û ligel tîmên endazyarî û serpereşt re gotûbêj li ser pêdiviyan û çareserkirina astengiyan hate kirin, ji bo ku kar bi lez û bi kalîteyeke çêtir bên temamkirin û bixin xizmeta welatiyan.

Beşek ji wan projeyên ku ji aliyê seroka şaredariyê û tîma pê re ku hatine şopandin:

-Nirxandina rewşa du saydên kolana Şarbajêr ji li çerxrêya jêr tunêla Pêşrew ve ber bi kolana sereke ya parka Hewarî Şar ve bi mebesta ji nû ve qîrkirinê di rojên pêş de.

-Berfirehkirina aliyê rastê yê kolana Hewarî Şar, ji yekterbirra kolana Şarbajêr ve, ji bo yekxistina kolana Hewarî Şar û çareserkirina pirsgirêka zivirînûka kolanê.

-Projeya berfirehkirina her du aliyên cadeya 100 metrî ya Hewarî Şar.

-Nirxandina ji nêzîk ve ya cih û dîzayna çerxrêya li ber Hôtêla Tîtanîk ku di pêşerojeke nêzîk de dikeve warê cîbicîkirinê ku tevgera otomobîlan li ser cadeya bazineyî ya Melîk Mehmûd serbest dike û taxên Tuymelîk û kolana li ber Çavîland bi xwe ve girê dide.

-Şopandina cihê çêkirina pirra karebayî ya derbasbûna ya peyayan li ber Dadgeha Silêmaniyê.

-Nirxandina şêwaz û qonaxa karê li ser rêyên (2, 4, 6) ku projeya cadeya 100 metreyî bi navenda bajarê Silêmaniyê ve girê dide, bi taybetî çareserkirin û rakirina wan astengiyên ku li pêşiya projeyê hene, ku hinek ji wan peywendiya wan bi welatiyan re heye û hinek jî bi hevahengiya zêdetir a fermangehên peywendîdar re heye.

-Projeya konkrêtkirin û kişandina kirbstonan ji bo beşekî ji kolanên (20) yên taxa Çarçira ku ketiye warê cîbicîkirinê.

PUKMEDIA