Erdhejeke bi hêz Endonîzya hejandiye

CNN

Dîmenê piştî erdhejê

Erdhejeke bi hêz bi mezinahiya 7.7 li Endonîzyayê rû da û hişyariya tsunamiyê hate ragihandin.

Piştî ku erdhejeke bi hêz 7.7 li gorî pîvana Richter peravên rojhilatê Endonîzyayê hejand, ajansên fermî hişyariya tsunamiyê ragihandin û niştecihên navçeyên peravê neçar kirin ku ber bi cihên bilind ve birevin, di heman demê de li gorî amûrên destpêkê mirina pênc kesan hatiye piştrastkirin.

Ev erdheja ku di kûrahiyeke kêm de rû daye, rewşeke tevlîheviyê li bazar û cihên giştî çêkiriye û lerzineke bi hêz li dîwarên nexweşxaneya bajarokê Maumere yê li girava Flores çêbûye û dîwar qelişîne û bûye sedema revê ya bi kom a nexweşan, her wiha niştecihên herêmê ber bi cihên bilind ve çûne, di heman demê de hezar kes neçar kirine ku herî kêm du kîlometreyan ber bi nava bejahiyê ve biçin.

Berdevkê Ajansa Bûyerên Nexwazir ên Endonîzyayê Berton Suar Pelita Panjaitan, ragihand: Ji bo diyarkirina qebareya ziyanên madî û giyanî tîmên rizgarkirinê di pêvajoya komkirina agahiyan de ne û paşlerz berdewam dikin.

Ajansa Niştimanî ya Rûbirûbûna Karesatan, rênîşandan da niştecihên bakurê Flores û giravên derdorê ku zû bi zû navçeyên peravê vala bikin û biçin ew cih û girên ku bilindahiya wan ji 10 metreyan zêdetir e û asta avê ya deryayê guherîn bi ser de hatiye û di navbera 19 û 30 santîmêtroyan de pêl hatine tomarkirin.

PUKMEDIA