Îlham Ehmed: Divê Sûriyê bi welatê xwe bibînin û bo pêşeroja wê kar bikin

Ajans

Hevseroka Têkiliyên Derve ya Rêveberiya Xweser Îlham Ehmed

Hevseroka Daîreya Têkiliyên Derve ya Rêveberiya Xweser Îlham Ehmed radighîne ku, tevgereke dîplomatîk a domdar di navbera Rojavayê Kurdistanê û Şamê de heye, tekez jî dike ku divê em Sûriyê wekî welat û dewleteke xwe bibînin û ji bo pêşeroja wê kar bikin.

Derbarê têvlîkirina sazî û rêveberiyên Rojavayê Kurdistanê bi saziyên dewletê re Îlham Ehmed got: Pirsgrêka Kurdî pirsgrêka bingehîn û sereke ya gotûbêjên bi Şamê re ye û bêyî çareserkirina pirsgirêka zimanê Kurdî, temamkirina tevlêbûnê ne pêkane.
Diyar jî kiriye; tiştê ku me eleqedar dike ew e ku em mîsoger bikin ku mafên Kurdan û destkeftiyên wan di Sûriyeya nû de bên parastin.

Derbarê êrîşên dawî yên li ser koçberên Serêkaniyê yên ku vegeriyan warên xwe, Îlham Ehmed got: Dem hatiye ku hemû koçber vegerin warên xwe, di heman demê de êrîşên li ser koçberan tiştekî redkirî û nayê qebûlkirine.

Ehmed da zanîn ku alî hene li dijî tevlîbûnê ne û ew alî li pişt wan êrîşanin û got: Şert û merc çi dibin bila bibin, êrîşên li ser saziyên dewletê nayên qebûlkirin.

PUKMEDIA