Şanda DEM Partî: Vîna hevpar a berdewamiya pêvajoyê hate tekez kirin

AA

Erdogan û Şanda DEM Partiyê

Şandeya Îmraliyê ya Partiya Wekhevî û Demokrasiyê ya Gelan (DEM Partî) ku ji parlamenter Perwîn Buldan û Mîthet Sencar pêk hatibûn serdana Serokomarê Tirkiyê Receb Teyîb Erdogan kirin.

Piştî hevdîtina bi Serokomarê Tirkiyê Recep Teyîb Erdogan re ku serokê Saziya Îstîxbarata Netewî ya Tirkiyê MİTê Îbrahîm Kalın û Cîgirê Serokê Giştî yê AK Partiyê Efkan Ala jî tê de amade bûn, Şanda DEM partiyê ya Îmralî daxuyaniyeke nivîskî belav kir û têde ragihand: Em bi Serokomar Erdogan re derbarê geşedanên di Pêvajoya Aştî û Civaka Demokratîk de şêwirîn kir.

Got jî: Di hevdîtinê de hate tekezkirin ku qebûlkirina 'Yasaya Xurtkirina Piştgiriya Neteweyî û Yekbûna Civakî' ya ku di nava raya giştî de wekî 'Qanûna Çarçove' jî tê zanîn, bi dengekî pir bilind cihê kêfxweşiyê ye, û di heman demê de qonaxa ku di pêvajoyê de hatiye gihistin û tiştên ku ji vir şûn ve bên kirin bi awayekî alîgir hatin nirxandin.

Şandê diyar jî kir ku: Hate tekezkirin ku vekirina deriyên serdemekê ku bi vê qanûnê re dê demokrasiyî û qada siyasetê xurt bibe, ji bo hemû welatiyên me û welatê me xwedî girîngiyeke jiyanî ye. Her weha di hevdîtinê de vîna hevpar a ku pêvajo dê bi biryarî were domandin, careke din hate tekezkirin.

Ji aliyê xwe ve Serokomarê Tirkiyê Receb Teyîb Erdogan di gotarekê de ragihand: Ev pirsgirêka ku bû sedema windabûna bi deh hezaran can û 40 salên dîroka welatê me, bi piştevaniya Xwedê û deast li nav destê dewletê û gel bi hev re, em ê ji bo her û her çareser bikin. Em wê pêşniyara yasayê ya ku sê roj berê bi 467 dengan di Parlementoya me de hat pejirandin, wekî pêngaveke dîrokî dibînin.

Serokomarê Tirkiyê Receb Teyîb Erdogan got jî: Li Tirkiyê, di vê sedsala aştiyê da, emê stranên nû yên biratiyê bistirin.

PUKMEDIA