Mezlûm Ebdî rewşa Serêkaniyê bi şandeya hikumeta veguhêz re gotûbêj kir

Ajans

Mezlûm Ebdî û Nûnerê Hikûmeta Veguhêz

Fermandarê Giştî yê Hêzên Sûriyeya Demokratîk HSDê Mezlûm Ebdî bi şandeya hikumeta veguhêz a Sûriyeyê re rewşa koçberên ji Serêkaniyê û êrişên li ser karwanê koçberan gotûbêj kir.

Mezlûm Ebdî bi nûnerê Koma Serokomariyê ya şopandina peymana 29`ê Çileyê û parêzgarê Dêrazorê Ziyad El Ayîş û Fermandarê Feyleqa 2‘yemîn Ewad El Casim re hevdîtin kir.

Di hevdîtinê de rewşa koçberên Serêkaniyê yên vedigeriyan warê xwe, êrişên li ser wan hatine kirine û girîngiya kontrokirina ewlehiyê û parastina sivîlan gotûbêj kirin û behsa girîngiya hesabpirsîna ji êrişkaran vegotin.

Mezlûm Ebdî derbarê hevdîtinê de ragihand: Ez bi pêşwaziya nûnerê serokatiyê Ziyad El Ayîş û Fermandarê Feyleqa 2‘yemîn birêz Ewad El Casim kêfxweş bûm. Di serdanê de me behsa gelek dosya û dozên girîng ên têkildarî ewlehî û istiqrara bajarê Hesekê, çareserkirina êrişên li ser saziyên dewletê, dozên koçberên sivîl, her wiha lezandin û temamkirina entegrasyonê kirin.

Ebdî got jî: Me li ser gelek çareseriyan li hev kirin, me atmosfêreke erênî û gavên cidî ber bi çareserkirina van dosyayan hîs kirin ku bikeve xizmeta ewlehî û aramiya Hesekê.

PUKMEDIA