Tora qaçaxçîtiya navneteweyî ya madeyên hişbir li Kerkûkê hatin girtin

Ragihandina Rêveberiya Karûbarên Madeyên Hişbir li parêzgeha Kerkûkê

Madeyên Hişbir

Rêveberiya Karûbarên Madeyên Hişbir li parêzgeha Kerkûkê, karî tora qaçaxçîtiya navneteweyî ya madeyên hişbir bigire û dest deyne ser 20 kîlogram madeya hişbir a ji cureyê Marîgwanayê.

Li gorî daxuyaniyeke Rêveberiya Giştî ya Karûbarên Madeyên Hişbir û Bandorên Derûnî, ku ser bi Wezareta Navxwe ya Îraqê ve ye, Rêveberiya Karûbarên Madeyên Hişbir a Kerkûkê karî bi rêya operasyonekî ewlehiyê û bi hevahengiya ligel aliyên peywendîdar li yek ji welatên cîran, piştî şopandineke îstixbaratî ya hûr û hevahengiyeke ewlehiyê ya asta bilind, derbeke giran li torên bazirganî û qaçaxçîtiya madeyên hişbir bixe.

Di daxuyaniyê de her wiha hate diyarkirin: Encama operasyonê dest danîna ser 20 kîlogram made û hilweşandina toreke navneteweyî bû ku di warê bazirganî û qaçaxçîtiya madeyên hişbir de çalak bûn, her wiha pûçkirina planên wan bû ku armanca wan derbaskirina jehiran û berfirehkirina çalakiyên wan ên tawankarî bû.
Her wiha hate gotin, ev operasyon berhema hewleke îstixbaratî ya berdewam û şopandineke hûr a tevgera kesên têkildar bû, heta ku çalakiya torê hate diyarkirin û endamên wê hatin girtin, ev yek tekeziyeke nû ye li ser kapasîteya desthilatên pispor ji bo şopandina torên madeyên hişbir û hilweşandina wan, heta li derveyî sînoran jî.


PUKMEDIA