Wezîrê Pêşmerge beşdarî merasîma guhertina fermandariya giştî ya hêzên hevpeymanan bû

Ragihandina Wezareta Pêşmerge

Merasîma Guhertina Fermandariya Giştî ya Hêzên Hevpeyman

Li ser vexwendina fermî ya Fermandariya Navendî ya Amerîka (CENTCOM), îro, 11ê Tebaxa 2026.an, Birêz Şoreş Îsmayîl, Wezîrê Pêşmerge yê Hikûmeta Herêma Kurdistanê,Ferîq Rukin Îsa Ozer Serfermandarê Giştî  yê Wezareta Pêşmerge beşdarî merasîma guhertina fermandariyên hêzên hevpeymanan li Îraq û Sûriyê bû ku li baregeha hêzên hevpeymanan a li Urdinê bi rêve çû.

Di merasîmê de, ku bi serpereştiya Fermandarê CENTCOMê Admiral Brad Cooper ve hat birêvebirin, fermandariya hêzên hevpeymanan li Îraq û Sûriyê ji Maj Gen. Kevin Lambert bo Admiral Liam M. Hulin hate veguhestin.

Di çarçoveya merasîmê de, Wezîrê Pêşmerge pesna hewlên hêzên hevpeymanan di salên dawî de, bi taybetî rola girîng ya General Major Kevin Lambert, ku roleke mezin di pêşveçûna berdewam ya pêvajoya reformên leşkerî yên hêzên Pêşmerge de lîstiye da,berdewamiya Hemahengiya di navbera Wezareta Pêşmerge û hevpeymaniyê de ,her weha Wezîrê Pêşmerge ji General Lambert re di erkê wî yê nû de serkeftin xwest, fermandarê nû (Amîral Hulin) pîroz kir û amadebûna Wezareta Pêşmerge ji bo berdewamiya hemahengiya hevbeş ji nû ve tekez kir.

Her di çarçoveya serdanê de, şandeke pilebilind ya Wezareta Pêşmerge civîneke hevbeş di navbera Wezareta Parastinê ya Urdunê, Wezareta Parastinê ya Îraqê û Wezareta Pêşmerge de bi rêve çû.

Di civînê de, Wezîrê Pêşmerge yê Hikûmeta Herêma Kurdistanê Birêz Şoreş Îsmayîl, Serokê Erkanê Wezareta Pêşmerge Tuxgeneral Îsa Uzer, Serokê Erkanê Artêşa Îraqê Ebdulemîr Reşîd Yarella û Lîwa Yûsif Ehmed El-Hnetî amade bûn,her weha Fermandarê Hêzên Hevbeş yên Urdunê û serokê fermandariya giştî ya artêş û hêzên çekdar yên Sûriyê jî beşdar bûn.

Di civînê de behsa peywendî û hemahengiya di navbera aliyên beşdar de hat kirin ji bo parastina ewlehiya herêmê û sînorê hevpar û xurkirina peywendiyên hevbeş di nav herêmê de bi gelek pirsgirêkên ewlehiyê re pêş dixe û tekezî li ser pêwîstiya berdewamiya hevkariya hevbeş ji bo parastina ewlehiya hevdu û pêşxistina hevahengî û hevkariya hevbeş kirin.

Di dawiyê de, tekezî li ser zêtir hevkariya di warê leşkerî de û pêşxistina peywendiyên meydanî hat kirin, beşdaran tekez kirin ku pêşketinên li herêmê hevrêzkirin û temamkirina hewldanan zêtir hewce dike;parastina sînoran û rûbirûbûna gefên ewlehiyê karekî hevbeş e ku divê berdewam be ji bo xurtkirina şiyana welatên herêmê ji bo parastina ewlehî, serwerî û aramiya xwe.

PUKMEDIA