MSD:Divê lêpirsîn derbarê êrişên li dijî koçberên Serê Kaniyê bê kirin

Medya

Êrişên li dijî koçberên Serê Kaniyê

Civata Sûriye Demokratîk (MSD) di daxuyaniyekê de êrişên ser koçberên Serêkaniyê bi tûndî şermezar kir û got:Divê lêpirsîn derbarê êrişên ser koçberên Serêkaniyê bê vekirin û mafê koçberan bê parastin.

Civata Sûriye Demokratîk (MSD) di daxuyaniyekê de êrişên li dijî koçberên Serê Kaniyê yên vegerîne malên xwe şermezar kirin û daxwaz ji hikumeta veguhêz ya Sûriyê û aliyên peywendîdar kir ku koçberên vedigerin biparêzin, lêpirsîneke bilez û zelal vekin ku berpirsan diyar bikin û hesab ji tawanbaran bixwazin.

Civata Sûriye Demokratîk (MSD) diyar kir ku ewlehiya welatiyan û mafên wan yên vegerê dive di ser hesabên siyasî yan jî ewlehî re bên girtin, parastina mirovan û rûmeta wan erkek e girîng e û tekez kir ku vegera koçberan mafekî neteweyî û mirovî ye û malbatên Kurd yên ku hevrêziya vegera wan bo Serêkaniyê bi saziyên peywendîdar yên dewletê re pêk hatiye pêwîstiya wan bi parastin û misogeriyên selametî û mafan heye.

Ji aliyekî din ve, Civata Sûriye Demokratîk (MSD) bang li tevahî alî û hêzên civakî dike ku xwe ragirin, berjewendiya giştî di ser her tiştî re bigirin û ji hêrs an jî sorbûnê bi dûr bikevin, saziyên sivîl û ewlehiyê biparêzin.

Di dawiyê de Civata Sûriye Demokratîk (MSD) banga lêpirsîn bilez, zelal û serbixwe derbarê êrişa li dijî karwana vegerê de kir û destnîşan kir ku berpirsan diyar bikin û hesab ji tawanbaran bixwazin û encamên lêpirsîn ji raya giştî re parve bikin.

PUKMEDIA