Yekem şikandina terorîstan li Mexmûrê bi destê hêzên Dijî Terorê bû

PUKMEDIA

Mexmûr

Îro 10/8/2026an, 12 sal di ser re derbas dibin ku hêzên pêşmerge û Dije Terora Yekîtiya Nîştimanî ya Kurdistanê di destanekî din de Mexmûr ji destê terorîstên DAÎŞê rizgar kirin û Hewlêr paytexta Herêmê jî ji dagîrkirinê parastin û ew xelkê ku ji ber tirsa DAÎŞê Hewlêr bicih hêştibû, vegeriyan. Wê demê jî dijeterorê di daxuyaniyekê de da zanîn: Ji Zaxoyê heta Xaneqînê, ji Kobaşî heta Kobaniyê, dijeteror xwe berpirsiyar dibîne li hember xaka Kurdistanê û destanên vê hêzê û şehîdên wê şahidiyê dikin.

Dije Teror: Yekem şikesta terorîstan ji Mexmûrê dest pê kir
Rêveberiya Giştî ya Dije Terora Kurdistanê (CTG), di daxuyaniyekê de diyar kir: Tenê çend roj piştî dagîrkirina Şingalê, metirsiya ketina ser bajarê Hewlêrê çêbû, hêzên Rêveberiya Giştî ya Dije  Terorê bûn parastvanê paytextê û karîn di nava demjimêrek û nîvî de Mexmûr ji terorîstan paqij bikin.
Weke ku Serok Bafil Celal Talebanî amaje pê kir tê gotin: Bi tenê 88 pêşmergeyên dije terorê karîn Mexmûrê rizgar bikin û ew rêxistina terorîstî li ser destê xortên dijeterorê tûşî yekem şkesta xwe bû li sînorê xaka Kurdistanê, di demekê de ku ew rêxistin ji şikandina artêşa du welatan vegeriyabû.


Reşad Gelalî, cîgirê serokê Navenda Rêxistinên Qereçoxê ya Yekîtiya Niştimanî ya Kurdistanê, ji malpera fermî PUKMEDIA re got: Navçeya Mexmûrê piştî dagîrkirina navçeya Şingalê di sala 2014an de rastî êrîşeke berfireh ji aliyê rêxistina terorîst DAIŞê ve hat. Ji ber wê daxwaza alîkariyê ji dije terora Yekîtiya Nîştimanî ya Kurdistanê hat kirin ku hêza xwe bişîne Mexmûrê daku karibin qezayê ji terorîstên DAÎŞê paqij bikin û Hewlêrê jî ji wê metirsiyê dûr bixin. Wê demê dije terorê wekî yekem hêz çû nava Mexmûrê û rûbirûyî DAÎŞê bû.

Di roja 7-8-2014an de terorîstên DAÎŞê êrîşî qezaya Mexmûrê kirin û dagîr kirin, piştî 72 demjimêr û di roja 10-8-2014an de, hêzên dije terora Yekîtî, pêşmerge û asayîşê di nava saetek û 30 xulek de qezaya Mexmûrê ji terorîstên Daîşê pakij kirin û ji navçeyê derxistin.



PUKMEDIA