Parlemana Turkiyê sibê dê li ser Yasaya Çarçoveyê deng bide

Ajans

Civînek ya Parlemana Turkiyê

Biryare Civata Mezin ya Neteweyî ya Turkiyê (TBMM) sibe piştî navberekê dest bi civînên xwe dike û tê çavrêkirina ku reşnivîsa yasaya Çarçove (Bihêzkirina Piştevaniya Nîştimanî û Yekgirtina Civakî) ya ji 12 xalan pêk tê, bixe dengdanê.

Parlemana Turkiyê (TBMM) sibe roja Duşemê 10'ê Tebaxê, careke din deriyên xwe li ber xebatên yasayî vedike ku di rojeva yekem ya Parlemana Turkiyê de dengdana li ser reşnivîsa "Yasaya Çarçoveyî" heye.

Ev reşnivîsa yasayê ku ji 12 xalên sereke pêk tê, berî niha ji aliyê Komîsyona Dad ya Parlemana Turkiyê ve hatibû pesendkirin û ji bo dengdana dawî ji civata giştî re hatibû şandin.

Li gorî agahiyên ji çavkaniyên Parlemana Turkiyê hatine girtin, li ser naveroka vê yasayê di navbera aliyên siyasî de lihevkirinek peyda bûye.

Ev yek di demekê de ye ku heya niha partiyên wekî Partiya Dad û Geşepêdanê (AKP), Partiya Tevgera Neteweperest (MHP), Partiya Demokrasî û Wekheviya Gelan (DEM PARTÎ) û Partiya Yeniden Refah (Partiya Yeni) îmzeya xwe avêtine bin reşnivîsê û razîbûna xwe li ser naveroka xalan nîşan dane.

Tê çavrêkirin ku sibe piştî gotûbêjên dawî, reşnivîs bi piraniya dengan di Parlemana Turkiyê de bê pejirandin.

Xalên Sereke yên Yasaya Çarçoveyê:

*Dema Serlêdanê: Endamên rêxistinên ku dixwazin ji rêziknameyê sûd werbigirin divê di nav 6 mehan de serlêdan bikin.

*Tawanên Derxistinî: Sûcên ku berî sala 2005an cezayê wan bi hepsa heta hetayê ya girankirî an jî hepsa heta hetayê ye, ji çarçoveya qanûnê têne derxistin.

*Mercên Paşxistina Sizayê: Ji bo tawanên ku sizaya wan ji 15 salan kêmtir e, dê heyamek paşxistinê ya 5 salan were sepandin; ji bo tawanên ku sizayê wan ji 15 salan zêdetir e, dê heyamek paşxistinê ya 10 salan were sepandin, piştî vê yekê siza dê werin betalkirin.

PUKMEDIA