Ji ber lehî û bahozê ziyanek mezin gihîştiye Hindistanê û Japonê

Ajans

Dîmenek ji lehiya li Hindistanê

Li Hindistan lehî û li Japonê jî bahoz dibin sedema mirin û birîndariya kesan,her weha li Japonê jî bahoza Dolphin rû da di encamê de çend kes birîndar bûn û kareba jî li ser 14 hezar avahiyan qut bû.

Ajansa nûçeyan ya Press Trust ya Hindistanê,ragihand ku rewşa lehiyê li eyaleta Assamê ya Hindistanê hîna jî giran e û hejmara miriyan gihîştiye 98 kesan û 155 hezar û 849 kes li 13 navçeyan jî bandor bûne her weha nêzîkî 10 hezar û 748 Hektar zeviyên çandiniyê di bin avê de man û zêdetirî 47 hezar lawir jî bandor bûn.

Ji aliyekî din ve, Ajansa Meteorolojiyê ya Japonyayê da zanîn ku Bahoza Dolphin li parêzgeha Okinawa ya li başûrê Japonya xist, di encamê de 5 kes birîndar bûn û elektrîka 14 hezar avahiyan qut bû.

Her weha Navenda Meteorolojiya Neteweyî ya Çînê ragihand ku tê payîn Dolphin di navbera roja Yekşem û Duşemê de li Çînê çêbibe.

PUKMEDIA